Lafaek News—Assosiasaun Halibur Defisiénsia Matan Timor Leste (AHMDTL), liu husi inkluzaun sosiál lori dansa kultura Timor Leste nian, hatudu iha nasaun rua hanesan Portugal ho Hungária.
Diretor Ezekutivu Assosiasaun Halibur Defisiénsia Matan Timor Leste, Gabriel Sousa, afirma membru AHDMTL ida ho naran Adriano dos Santos no nia defisiénsia matan ho idade 24, reprezenta Timor Leste, promove arte liu husi dansa kultural iha país estranjeiru.
“Liu husi ita nia formasaun hirak ne’e ita nia ema defisiénsia matan mos reprezenta defisiénsia Timor Leste, hodi promove ona dansa kultura iha Portugal no Hungária hamutuk ho grupu Timor-Furak no atividade dansa kultura ne’e hahú iha tinan 2021, defisiénsia matan Timor Leste, hatudu dansa kultura iha Internasional Festival Off Culture iha Portugal no Hungária,” sublina.
Diretór ne’e esplika ida ne’e atu, defisiénsia matan mos bele promove ona dansa kultura Timor ba mundu, alende ida ne’e mos ema ho defisiénsia matan mos halo múzika rasik , husi múzika ne’e nia objetivu atu halo kampania no halo produsaun video hodi halo kampania ba públiku katak defisiénsia matan Timor Leste iha nia kreatividade rasik.
Jornalsita Acacio Pinto
Editor : Agapito de Deus
