Lafaek News—Reprezentante povu kiik iha zona espesial Oe-kusse, xefe povoasaun Sanane suku Kosta, postu Pante-Makasar, Francisco Ais, fo hanoin ba governu foun atu labele halakon polítika harii uma dignu ba povu kbiit laek.
Xefe povosaun Sanane, haklaken povu kiik nia moris iha rai-ketan Oe-kusse, katak Oe-kusse sidade iha de’it oin, maibé iha kotuk povu kiik sira halerik ba hela fatin, bee moos, estrada no irrigasaun, tan ne’e husu governasaun Kay Rala Xanana Gusmão atu tau osan ba agrikultura infraestrutura, edukasaun, saúde no harii uma dignu ba povu.
“Ha’u ho respeitu tomak husu ba Governu da-sia ida ne’ebé lidera husi Maun boot Kay Yala Xanana Gusmão atu kontinua programa uma Naroman ba Povu, tanba povu kbi’it laek barak seidauk hetan uma Naroman ba Povu tamba foin dadauk ne’e suku Kosta hetan de’it uma 9, entaun fahe la too tanba kbiit laek iha iha Aldeia Sanaen ne’e kbiit laek barak mak seidauk hetan ha’u nia aldeia iha Bairu hamutuk sia maibé foin dadauk liu ba Aldeia Sanaen hetan tolu, maibé aloka ba deiit Bairu Bairu tolu de’it mak hetan no Bairu lima cdauk hetan no kbi’it laek barak mak mai ezizi ha’u maibé ha’u hatan ba sira katak uma ne’e husi Mai ulun sira mak fahe kedas lá’os ha’u mak fahe,” Francisco haktuir ba Lafaek News, iha nia rezidénsia Sanane Pante-Makasar foin lalais ne’e.
Autoridade lokál ne’e sublina, governu tenke tau osan barak ba iha Ministériu Solidariedade Sosial, atu nune’e bele responde ba povu kbi’it laek barak ne’ebé agora sei halerik hela ba sira ninia hela fatin, tanba laiha osan atu hadia sira nia uma ne’ebé kondisaun át ona.
“La’ós iha ha’u nia aldeia mak povu halerik maibé iha Oe-cusse tomak povu barak mak sei moris hela susar nia laran tamba hanesan autoridade lokál husu Governu ida ne’e atu tau osan barak iha Ministeriu soludaridade sosial liuliu ba iha Raeoa atu nune’e bele responde ba povu kbi’it laek sira nia halerik,” nia sublina.
Ikus liu autoridade lokál ne’e agradese ba média online lafaek news ne’ebé hakat to iha rai ketan Oe-cusse hodi buka tuir kbi’it laek sira nia halerik.
Jornalista : Mateus F. de Deus
Editor : Agapito de Deus
