Lafaek News-Organizasaun Movimentu Sosial Uniaun Agrikultor, segunda (07/02/2022), hasoru ho Prezidente Republika Francisco Guterres Lu Olo, hodi hatoo preukupasaun ne’ebé durante uniaun agrikultor enfrente iha baze.
Mai iha ne’e atu hatoo preokupasaun no problema ne’ebé mak ami nia maluk agrikultor sira hasoru husi uniaun no fasilitador ne’e sai hanesan problema boot ida ba maluk agrikultor sira, husi Uniaun no organizasaun hanesan fasilitador haree hanesan ne’e sai problema boot, Kria polítika nasional reforma agraria, hapara efeksaun forsada, kria merkadu justu ba kamponezas sira,’’ dehan Presidente Uniaun agrikutor munisípiu Manufahi, Delfina Pereira ba jornalista sira hafoin reuniaunremata ho PR Francisco Guterres Lú Olo iha Palásiu Prezidensiál Bairo-pite.
Tuir Delfina, Prezidente Repúblika toma nota no konsidera preokupasaun no problema sira ne’ebé agrikultor sira hasoru no PR hateten nia parte labele diretamente fó solusaun, maibé nia presiza lori preokupasaun sira ne’e ko’alia ho parte governu nian.
Problema ne’ebé sira hasoru maka tratorista komunidade sira sempre hasoru, tanba dalaruma sira la bele halo toos ho di’ak, segundu la iha presu Justu ba ami-nia maluk toos na’in sira, Sira badinas halo toos maibé oinsá ho folin ne’ebé maka ladun justu ba ita-nia produtu sira”, Delfina akresenta.
Enkunatu enkontru ne’e direta Prezidente Repúblika Francisco Guterres Lú Olo, no marka prezensa ho Komite Nasional Reforma Agraria, Uniaun Agrikultor Manufahi, UNAER husi Ermera, Uniaun Movimentu Popular Likisá, Uniaun Agrikultor Kovalima, fasilitador sira husi organizasaun IEP-KSI, no mos movimentu sira husi munisípiu luta ba futuru inklui maluk toos nain sira husi munisípiu Aileu,Vikeke no Maliana.
Jornalista : Rita Moniz
Editor : Agapito de Deus
