Lafaek News—Kandidatu Prezidente Repúblika periodu 2022, atual Prezidente Partidu Demokrátiku, Mariano Assanami Sabino, hateten tempu ona joven jerasaun atu kaer ukun hanesan Prezidente Repúblika hodi halo istória foun ba nasaun Timor Leste.
Assanami hatoo asuntu ne’e iha serimonia tomada de posse ba estrututura suku nian, domingu (07/02/2022), iha suku Kamea postu administrative Kristu-Rei, munisípiu Dili.
Ohin ita nia rai presiza joven para halo istória foun, atu labele konflitu tan ba partidu sira kuandu ukun labele iha impase maka ita tenki hili gerasaun foun para ba ona prezidente, atu sai prezidente repúblika ne’e la’os fasil, la’os dehan ohin Partidu demokrátiku sira votu ne’e ba ona, ita nia kandidatu lolos maka ida ne’e, partidu demokrátiku nia kuadrus, atu oferese ba estadu, kandidatu povu nian, sai povu nia prezidente, Prezidente ne’e povu nian, ida ne’e maka ita nia lia-fuan,” dehan Assanami.
Hodi dehan, tuir lei kandidatu ida tenke hetan apoiantes ho asinatura hamutuk rihun 5, maibé PD nian apoiantes atinje kedan rihun 10, di’ak liután balun rezerva, ne’e katak povu maka deside sira nia konfiansa ba kandidatu ne’ebé husi Partidu Demokrátiku atu sai prezidente ba povu tomak.
Ita tenki buka FRETELIN, buka PLP, KHUNTO ho CNRT, sira ne’ebé partidu ketak-ketak mai ita hamutuk ita nia hili joven, mai ita hamutuk ita hili jerasaun foun, tanba ita presija nasaun ne’e tenke juvenile atu nia tenke forsa la’o ba oin, tanba iha ita nia istória joven maka halo ita nia istória ne’e husi proklamasaun 28, boot liu idade 30 ba leten maka avo Xavier ho Nicolao Lobato de’it, restu menus husi idade 30, nia fundamenta.
Hatutan nia, bainhira baze de apoiu rahun, levantamenu segundu ne’ebé atu reforsa FALINTIL, joven sira maka halai ba ailaran, reforsa FALINTIL, wainhira funu ne’e fraku, ita hamosu klandistina, ita hamosu rede ida ne’ebé to Indonézia, mosu OJETIL, mosu OBJELATIL, mosu RENETIL hotu-hotu nia lia-fuan ne’e juventude estudante, tanba joven sira maka halo duni istória ne’e.
Ita ba tanba ita iha hanoin foun, ita idea foun, atu hatuur fila-fali konstituisaun, iha ninia fatin lolos, atu hatuur fila-fali hanoin idealista Nicolao Lobato, Avo Xavier, jenuínu ba estadu ida ne’e sira nia hanoin jenuinu maka saida, Repúblika Demokrátiku, ida maka partidu halo, ida maka sai prezidente atu halo konstrui repúblikanu no konstrui demokrátiku, hanoin eroi sira nian, tau fila-fali ba nia fatin, ne’e maka ita hakarak ba prezidente,” katak nia.
Iha observasaun lafaek news iha terrenu nota iha serimonia tomada de pose ne’e, Joven hamutuk ho inan-aman hamutuk ema 60 resin maka simu posse ho juramentu fo votus ba Partidu Demokrátiku.
Jornalista MG : Azelio da Cruz
Editor : Agapito de Deus
