Lafaek News—Universidade Católika Timorense (UCT) marka diferénsia ho universidade sira seluk ne’ebé eziste uluk ona iha Timor-Leste, ho razaun formasaun espesífiku husi peskiza hodi hamosu siénsia tenkolojia foun no hanorin utiliza lingua ofisíais portugues inklui mos inglesh.
Tuir Arcebispo dioseze Dili, Dom Virgílio do Carmo da Silva, afirma harii Univesidade Católika ne’e la’os halo kompetisaun ho universidade sira seluk, universidade barak ona iha Timor no laiha intensaun ida atu halo kompetisaun, maibé úniku objetivu finalidade harii universidade ida ne’e, atu fo formasaun ne’ebé más espesífiku.
Tanba ne’e mak hutudu diferensia maka hakarak halo mos fatin ida ne’e sai duni, fatin ida ne’ebe ikus mai ita nia estudante promove ita nia lingua ofisial katak lingua portuguesa tanba universidade ne’e rasik iha fakuldade letras portuguesa ho inglesah, durante loron tolu hau liu iha ne’e, nota ona katak professor sira koko atu iha ambiente eskola ninian ko’alia Portugués, ne’e buat kiik-oan, ne’emak diferénsia ne’ebe ami koko hakarak atu introdus,” hateten Arcebispo Virgilio do Carmo da Silva ba jornalista iha UCT Balide, kinta (24/03/2022).
Iha fatin hanesan Diretór ezekutivu Institutu Nasional Siénsia no Teknolojia (INCT), José Cornelio Guterres, representa Ministeriu Ensinu Superior Siénsia no Kultura (MESSK) liu husi nia diskursu hateten, Universidade Católika Timorense marka diferensia tebes ho univesidade sira seluk ne’ebe esizte ona iha Timor-Leste.
Ita bele hatete katak Universidade UCT marka diferente ho Universidade sira seluk, tanba nu’udar instituisaun iha ensinu superior ba povu timor hori uluk kedas to’o ohin loron to’o realiza duni,” Diskursu Presidente konsellu ezekutivu José Cornelio Guterres.
José Cornelio enkoraja dosente sira hotu la’os ona tempu atu hanorin de’it materia iha aula, maibé presija halo peskiza hodi hamosu siénsia teknolojia foun.
Ita presija husik ámbitu klasiku ne’e, maibé dosente sira tenke hatoman an peskiza tanba liu husi peskiza ita bele hamosu siénsia no teknolojia foun, siénsia no tekonolojia foun tenke mai husi universidade atu utiliza referénsia ba akdémiku sira no bele fornese dadus kredivel ba ita nia governanate sira hodi kria polítika publikas ne’ebe diak ba dezenvolvimentu nasional,” nia nia sujere.
Enkuantu partisipa iha sermonia abertura ne’e, Laureado Nobel da Paz, José Ramos Horta, Arcebispo Virgilio do Carmo da Silva, Presidente konsellu ezekutivu José Cornelio Guterres, reitor UCT Padre Joel C. .S. Pinto, dosente no estudante inklui mos konvidadus sira.
Jornalista : Pedro de Almeida
Editor : Agapito de Deus
