Konsagrasaun Ukraina no Rusia ba Maria Inan Virgen Sala Laek
Oh Maria, Maromak Inan no ami nia inan, iha tempo tentação ida ne’e, ami foti matan heteke ba ita. Nu’udar Inan ita hadomi no cumpriende liu ami: laiha husi ami nia fuan laran ida nebe mak sei la haksumik ba ita bo’ot. Oh Inan domin nain,dala barak liu mak ami sente ita bo’ot nia mahan no presensa nebe fo hakmatek. Ita bo’ot nungka para lori no acompanha ami ba to’o Jesus, Liu Rai Dame Nain.
Maibe ami hases-an ona husi dalam Dame nian. Ami haluhan tiha ona, lisaun hirak nebe mak acontese iha sécolo hirak nebe liu tiha ona, ami haluhan tiha ona vitima ema milão resin mak mate iha segundo Guerra Mundial.
Ami la interese ona, ba Comprimisso hirak nebe mak ami halo ona nudar Comunidade iha kada paizes nasaun sira hotu nian. Ami halao traição ba mehi comum ba paz no esperança ba foin sae sira. Ami habelit-an ho ami nia ambição no halo ami hanoin deit mak ami nia nação, no ami tau interece makas liu ba ami nia-an, ami halo indeferencas sira no hamout ami nia-an ho egoismo sira ba ami nia hakarak sira ho ami nia paixões sira. Ami hili dalan hodi husik Maromak no habosu ami nia-an ho ilusaun foti-an nian no hahalok sira nebe agresivo.
Ami hili dalan hodi hamate moris ema inocente sira, no ami halibur kilat nebe hamate. Ami la sai ona seguransa diak ba ami nia maluk sira no la sai ona servi nain hamutuk iha ami nia uma laran. Ami Estraga ona Jardim mundo nia ho funu no hahalok sala nian, Ami harahun ona AMAN MAROMAK IHA Lalehan nia fuan, ida nebe hakarak ami atu sai maun-alin no bin-feton. Ami hatudo ona ami Nia hahalok hodi la tau intece ba ema seluk iha parte saida deit, maibe ami tau interese liu ba ami nia-an. Oras ne’e ho fuan no laran ami arepende tebes, hudi husu: PERDUA AMI BA Oh Na’i!
Inan Santa, iha ami nia sofrimento hirak ne’e hotu tanba ami nia sala, iha tempo ida nebe ami buka luta ho ami nia fraquesa sira, no hahalok a’at funu nian, ita bo’ot fo hanoin ami, katak Nai Maromak nungka husik ami, maibe nafatin taumatan mai ami, no hare ho matan domin nian nebe prontu hodi fo perdão no foti ami ba moris ida nebe foun.
Nai Maromak haraik ita bo’ot mai ami no Halo ita sai Futar Fuan Sala laek, nu’udar Hourik fatin refujius ba Igreja no ba povo tomak. Hamutuk ho Na’i Maromak Nia Hakarak nebe laran luak, Ita Sempre hamutuk ho ami, no iha sutuasaun nebe deficil liu ba ami iha momento ida ne’e, ita bo’ot iha ne’e atu acompanha ami ho domin nebe kmook liu.
Oras ida ne’e ami hakarak nakfilak-an ba Ita bot, no dere ita bo’ot nia matan fuan nian. Ami mak Ita Bo’ot Nia oan nebe ita hadomi liu. Iha kada tempo saida deit ita bo’ot hatudu ita bo’ot nia–an mai ami, ita bot convida ami atu hakribi sala. Iha tempo ida deficil hanesan ne’e tulun ami ba, no haraik mai ami ita bot nia consolação.
Temi dala ida tan mai ami: “Hau ne’e laos imi nia Inan nebe oras ne’e iha ne’e dadaun?” Ita bo’ot bele duni fo matak malirin mai ami nia fuan no fo matak malirin mai ami nia mundo ida ne’e. Ba ita bo’ot nia-an ami latan ami nia fiar. Ami fiar katak, especial iha tempo tentasaun ida ne’e, ita bo’ot sei la husik hela ami nia promessa hirak ne’e, no ita bo’ot sei hit–an duni mai tulun ami.
Hirak ne’e mak ita bo’ot halo uluk liu ba iha Kana Galileia, iha momento nebe ita bo’ot husu ba Jesus no Nia halo Milagre ba dala uluk. Atu bele salva iha ksolok festa casamento, ita bo’ot hateten ba Nia ‘Sira Tua hotu ona” (Jo. 2:3). Oras ne’e , oh Inan, temi fila fali ita nia lia fuan no orasaun ne’e, tanba oras ne’e ami nia Tua Esperasa, Ksolok nian laiha ona, ami nia fraternidade laiha ona. Ami haluha ona vida humana ami nian no la tau ona interese ba grasa Dame Nian. Ami loke ona ami Nia fuan ba violencia no destruição
Hamutuk ami tau laran metin ba ita bot Nia tulun nu’udar Inan, Tanba ne’e, Oh inan, rona netik ami nia hamulak, Fitun Tasi nian, keta husik ami, mohu ho funu.
Testamento Foun nia Hourik Fatin, fo roman netik ba exforsu tomak ba dalan reconsilisaun nian, Liurai Feto Lalehan, haraik hela Dame Aman Maromak Nian Mai Mundo ida ne’e, Hamos tiha laran moras, no hamrok ba odio malu, no hanorin ami atu hatene fo perdua, Halo Ami livre husi Funu, Hamahan netik ami nia mundo ida ne’e husi Nuklir.
Liurai Feto Rosario Nian, Halo ami atu entende ho diak konaba oinsa ami husi duni harohan no domin, Liurai Feto Familia sira nian, Hatudu netik ba nasaun sira dalan fraternidade nian, Liurai Feto Paz Nian, atu ami bele hetan paz iha mundo ida ne’e.
Oh Inan, ami hein ita bo’ot nia lian halerik nebe nakonu ho tristeza atu nune’e bele muda ami nia fuan nebe tos. Atu nune’e mos liu husi Ita nia maten wen lun turu bele muda netik fatin nebe nakonu ona ho ami nia odio nebe sai buras ba dau-daun. Ho kilat nia tarutu, halo ami laran metin nafatin ba ita bo’ot nia hamulak, atu nune’e bele muda ami nia hanoin sira ba dalan dame nian. Ami laran metin Ita bot nia hakuak nudar inan nian ba sira nebe mak terus no halai no hases-an husi bombardeiro nebe naksulin hanesan udan. Hein katak ita bo’ot nia nia hakuak nu’udar inan atu fo cosola no hamaluk nafatin sira nebe obrigatorio husik sira nia hourik fatin no sira nia rain.
laran metin nafatin ba ita bo’ot nia dolorosa inan nian hakbiit ami, no atu halo ami laran luak no inspira ami hodi loke ami nia odamatan sira atu tulun ami nia maun-alin, no bin feton sira, nebe mak terus no ema husik hela.
Maromak Inan Santa, iha momento nebe ita bo’ot hamrik iha Cruz hun, Jesus, hateke ba escolante nebe hamrik iha ita bot nia sorin, no lia tun ba ita bo’ot; “Hare ba ne’e O nia Oan” (Jo 19:26). Ho ida ne’e Nia haraik ami ida-idak ba ita bo’ot. Ba Escolante, no ba ami Nia lia tun: “ hareba ne O nia inan”. (vir. 27). Inan Maria oras ne’e ami laran triste atu simu ita bo’ot iha ami nia moris no ami nia estoria moris nian. Oras ne’e, umanidade nebe kole no laiha ona esperasa hamrik iha ita bo’ot nia sorin iha Cruz hun, tau laran metin ba ita bo’ot no liu husi ita, halo santo sira nia–an ba Cristo. Povo UCRAINA HO RUSSIA, ho hakraik-an ho domin ida nebe bo’ot liu, no oras ne’e foti matan hela ba ita bo’ot, nune’e mos ita bot nia fuan nebe tuku-tuku nakonu ho ho laran luak ba sira no ba ema hotu nebe mak harahun ona husi funu, injustiça no hamlaha.
Tanba ne’e, oh Maromak nia Inan, no ami Nia inan, ba ita bo’ot nia FUTAR FUAN SALA LAEK, nakonu ho fuan ami tau ami nia fiar metin no halo Santo ba ami, Igreja, no ba humanidade tomak, liu-liu RUSSIA NO UCRAINA. Simu ba ami nia saran-an, nebe nakonu ho fiar no domin. Haraik netik mai ba atu funu bele hotu lalais no dame bele hadulas iha mundo tomak. “FIAT” nebe nakonu iha ita bot nia-an, loke ona odamatan istoria nia ba Nai Liurai Dame nain. Ami fiar metin, liu husi ita bot Nia Fuan, atu paz bele nakloke dala ida tan mai ami. Ba Ita Bot ami saran Futuru ita emar sira ho sira nia precisa, sira nia vocação, suspira no esperança ba nasaun hotu mundo ida ne’e nian.
Liu Husi Ita Bot Nia intersesaun, Aman Maromak Nia laran luak hasulin mai iha mundo ida ne’e ho lian mamar paz nian hafutar ami nia loron sira. Inan “Fiat”, nebe nakonu ho espirito Santo, Kura ba entre ami, harmonia ida nebe mai husi Maromak. Ami hein katak ita bo’ot, mak “we matan moris esperança nian”, habokon ami fuan nebe maran dekor. Iha Ita bo’ot Nia Kanotak Jesus nakfilak-an ba ema; tulun ami atu hetan kbi’it nebe buras ho unidade. Ita bo’ot ida nebe uluk lao liu iha dalan mundo ida ne’e, lori ami oras ne’e ba iha dalan paz nian, Amin.