Lafaek News—Pe. Adriano Ximenes iha omília hatete ramus ne’ebe sarani sira kaer sei haklalak ba Jesus nudar liurai no ikus sei haklalak hedi nia ba kuruz.
Nailulik ne’e hatete “Ita haklalak hedi nia ba kruz liu-husi hahalok no sala sira no nai Jesus sei halo tuir nia aman nia lia-fuan sei saran ba mate iha kruz.
“Ita Sira ne’ebe ramus iha liman orsida haklalak ho sana ba David nia uma, Ita haklalak ba jesus nudar Liu Rai,maibé ikus ita mos hamutuk ho judeu sira haklalak ba jesus dehan hedi nia ba kuruz,ita hedi ho ita nia hahalok lia fuan no sala tomak,jesus ho obedesia tomak halo tuir nia aman nia lia fuan no saran nia an tomak terus to mate tanba ita, tanba ne’e mai ita hamutuk lao tuir Jesus nia ain fatin sira, hanesan tempu liu ba iha Jerujalem” hatete Pe. Adriano Ximenes iha omilia, Iha selebrasaun Misa Domingu Ramus 29/03/2026 iha Kapilinha Santa Teresa de Calcuta aldeia Lemorana
Pe. Adriano mos husu ba sarani sira durante semana paixaun hamenus hahán no hala’o asaun kariedade ba ema vunerave lsira no tulun malu.
“Domingu ramus festa paskál ikus ba nai nian, Jesus hahu liurai hahú husi domingu ramus, maibé too selebrasaun iha uma-kreda laran Ita tama ona iha semana paixaun nian nai nia mate moris hias iha domingu de restuirrusaun,tanba ne’e sarani sira presija sakrifisio jenjun no penetensia hamenus hahan,no halo karidade tulun sira ne’ebe moras no sira ne’ebe uma kain la hakmatek Ita tenki halo sakrifisio ba familia sira hanesan ne’e ida ne’e mak Ita hanaran peneténsia,”nia hatete
Sarani sira tenki hala’o mudansa ba ida-idak nia hahalok nune’e bele moris tuir nai-maromak nia ukun-fuan.
“Hadia Ita nia an li-liu konvensaun no konvensaun la’os mai husi liur maibé konvensaun ida interior sai husi ita nia laran no konvente ita nia-an no hahalok ne’ebe la diak Ita buka atu emenda hodi hala’o fali hahalok ne’ebe diak tuir nai-Jesus nia hakarak atu moris tuir lolos nai-maromak nia lia-fuan no ramus ne’ebe fo bensaun ona lori ba tau diak diak atu nune’e too fali tempu de sinjas bele sunu hodi marka ba rentos ho sinal ida katak husi rai sei fila ba Rai “nia afirma
Iha selebrasaun misa domingu de ramus ne’e sarani sira hamutuk ho Padre no Madre sira husi Venezuela hala’o prosesaun husi aldeia Terus-Nain to mai kapela Santa Teresa de Calkuta no partisipa mos Autoridade local Aldeia Lemorana nian no hetan siguransa husi Konselho Polisiamentu Komunitaria (KPK)
Jornalista : Maria Jose de Jesus
