Lafaek News—Ministériu Agrikultura Peska(MAP) liu husi Diretora Jerál Agrikultura, Maria Odete do Ceo Guterres, hateten, tratór ne’ebé uluk distribui ba agrikultor sira to’o agora hela porsentu 40 sei funsiona ba agrikultór sira utiliza ba servisu natar.
“ Tratór sira iha territóriu laran uluk kedas sosa iha 2008 hamutuk 300 í tal tratores no agora porsentu 40 mak sei di’ak, hodi utiliza servisu natar tanba dadus ikus liu tinan rua liu ba tuir relatóriu ne’ebé MAP identifika ona katak tratores ne’e 54 unidades ne’ebé rejista ona iha patrimóniu estadu mak aat ona,” diretora jerál MAP, Maria Odete do Ceu Guterres, ba jornalista hafoin partisipa iha workshop iha salaun MAP Komoro, tersa (16/02/21).
Nia hatutan, kuandu tratores hirak ne’e rejista ona iha patrimoniu estadu ne’e komptétensia Ministériu Finansas nian, atu halo lelaun, maibé restu ne’ebé seidauk tama iha patrimoniu estadu MAP bele tau osan hodi halo manutensaun atu kontinua utiliza.
Dadus husi Diresaun Jerál Agrikultura kona-ba tratór ne’ebé koloka ba iha territoriu laran, Aileu hamutuk 6, aat 4, di’ak hela 2, Anaru, 15, aat 10, di’ak 5, Baucau, 27, aat 19, no lelaun 5, di’ak 7, Bobonaro 26, aat 14, di’ak 12, Covalima 24, aat 11, lelaun 5, di’ak 8, Dili 6, aat 3, di’ak 3, Ermera 11, aat 5, di’ak 6, Lautem 36, aat 20, lelaun 4, di’ak 16 kaman, Likisa 12,aat 7, di’ak 5, Manatuto 28, aat 16, di’ak 7, Manufahi 32, aat 18, di’ak 18, Vikeke 34, aat 1, leilaun 6, 33 presiza halo manutensaun.
Enkuantu husi ne’e totál tratór 128 mak kondisaun aat, no totál tratór ne’ebé kondisaun di’ak hamutuk 89, no lelaun totál 9, presiza manutensaun totál 33.
Jornalista : Egidio Nono
Editora : Nelya Barros
