Lafaek News—Traballadór Timor-oan hamutuk na’in ualu(8), la konsege arranka ba servisu iha Austrália tanba kestaun saúde inklui dokumentu komprovativu.
Diretór Jerál Sekretáriu Estadu Formasaun Professional no Empregu (SEFOPE), Paulo Alves, afirma Timor-oan na’in ualu (8) ne’e kompostu husi feto na’in rua (2), mane na’in neen (6), hetan notifikasaun husi home affairs ho razaun ne’e kansela sira labele ba Austrália.
“Joven ne’ebe mak la konsege ba ne’e hamutuk na’in ualu(8) iha feto rua(2) mane na’in neen(6 agora Notifikasaun ne’e ita hetan uluk ona husi home affairs, molok labarik sira ne’e ba ita hetan notifikasaun ne’e husi depratamentu ida kona-ba trata asuntu servisu traballadór nian, sira notifika mai katak ema na’in ualu ne’e labele ba ho razaun ida katak balun moras no razaun seluk mak balun problema iha dokumentu” dehan, Diretor jerál, SEFOPE, Paulo Alves, ba jornlista sira, iha nia knaar fatin, Cai-Coli, 02/11/2020
Reforsa Diretur ne’e, kona-ba kanselamentu ne’e la’os SEFOPE mak kansela maibé notifikasaun ne’e mai husi Home afairs, tan ne’e notifikasaun mai SEFOPE katak, ema na’in ualu ne’e iha problema Half ID atu aplika ba viza ninian kona-ba médiku ninian expire ona ho razaun hirak ne’e mak home afairs notifika mai SEFOPE kansela viajen.
“Ami sei iha reuniaun ho sira atu bele esplika situassaun ida-idak pra sira mós bele hatene katak SEFOPE fasilita prosesu ne’e hotu maibé últimu ora iha komunikasaun husi home afairs Austrália ninian komunika mai katak sira labele ba,” Paulo arguementa.
Paulo klarifika, governu Timor-Leste liuhusi SEFOPE só bele fasilita maibé regra imigrasaun Austrália ninian katak la hetan vistu ruma husi Australia ninia sei labele tama iha Austrália.
Jornalista : Anselmo Monteiro
Editór :Egidio da C. T. Nono
