Lafaek News—Sekretariu Estadu Arte Kultura (SEAK) planea lori kultura besik ba komunidade, liuhusi komemorasaun loron kultural ne’ebé sei realiza iha Lospalos durante loron rua iha Dezembru tinan ne’e.
Asuntu ne’e hato’o husi Sekretáriu Estadu arte no Kultura(SEAK), Teofilo Caldas, ba jornlalista iha ámbitu, abertura ba” concurço de Jovens Investigadores Com Objetivu de Promover e Estimular O Interesse de Jovens para a pesquisa Basica Aplicada Em TL,” iha Resintu Salaun Ian Martin INFORPEDE, 02/12/2020,
Tuir governante ne’e, loron nasionál kultura ne’e iha Outobru, maibé la realiza tanbà la’o hela ho rejime duadesimu, tan ne’e ba da-daun SEAK prevee $.25 mill atu realiza komemorasaun loron nasionál iha Lospalos.
“Ita hakarak lori kultura ba munisípiu tanba atu hakbesik governu ba iha komunidade, sira tenke sai Na’in ba Kultura ida-ne’e mak ita halo, Tinan ne’e ita Realiza iha Lospalos tinan oin ita komemora iha Bobonaro”, Informa Teofilo Caldas,
Nia dehan razaun iha tinan oin, realiza komemorasaun loron nasionál kultura iha Bobonaro, tanba besik iha fronteira Indonezia, tanbà ne’e tenke promove Timor nia kultura.
Jornalista : João da Costa Soares.
Editór : Egidio da C. T. Nono
