Lafaek News—Sekretariu Estadu Formasaun Professional no Empregu (SEFOPE), Sesta 22/09/2023, iha ne’eb’e halo despedida malu ho kandidatu traballadór Timor-Oan hamutuk 182 ne’ebé atu ba servisu iha nasaun Austrália.
Sekretariu Estadu Formasaun Professional no Empregu, Rogério de Araújo Mendonça haktuir katak, SEFOPE agora ne’ebé nia lidera sei tau matan ba area traballu formasaun professional no empregu, tanba iha mandatu IX governu SEFOPE sei kontribui ba objetivu governu nian, oinsá kriasaun empregu hodi redus númeru dezempregu no redus probreza iha Timor-Leste
“Ohin hamutuk iha ne’e kona-ba seremonia ba traballadór hamutuk 182, husi traballadores na’in hira ne’e, ba feto 51 ho persentajen 30%, husi feto hirak ne’e sei ba servisu iha area hortikultura no industria koa nan nian, tanba ne’e iha tinan sanulu resin ida nia laran, ita konta husi programa hahú husi tinan 2012 to’o mai tinan 2023, estadu Timor-Leste liu-husi SEFOPE kria ona kampu de traballu ba Timor-Oan sira hamtuk 11528, husi númeru hirak ne’e mane 8656 no feto hamutuk 3372, iha tinan 2023 SEFOPE konsege haruka ona traballadór hamutuk 2821, husi númeru ne’e mane hamutuk 1923 no feto 898,” Governante ne’e haktuir.
Rogério afirma, SEFOPE enfrenta mós obstakulu liu-liu liga ba traballadores ne’ebé sai husi sistema, dadus ohin loron demonstra katak traballadores hamutuk 806, mak ses husi sistema, husi númeru ne’e iha feto hamutuk nain 164 no mane 632, husi numeru hirak ne’e mak sai husi Sistema.
“SEFOPE kontinua esforsu an atu evita ka redus númeru husi ita nia traballador sira ne’ebé sai husi sistema, tan ne’e liuhusi ida ne’e governu Timor-Leste liuhusi Sekretariu Estadu Formasaun Professional no Empregu servisu hamutuk ho embaixadora Austrália mai Timor-Leste no embaixadora Timor-Leste ba Austrália ho governu Austrália hodi evita ka haree meius saida mak bao in hodi bele prevene ba ita nia traballador sira labele halai sai husi Sistema”. Rogério hakotu.
Jornalista : Crispin de J. Aamaral.
Editor : Agapito de Deus
