Lafaek News—Timor Leste Press Union (TLPU), ba da-daun halo kapasitasaun ba jornalista sira husi media nasional ho objetivu tun ba baze hodi identifika kauza husi mudansa klimátika iha Timor Leste, formasaun ne’e durante loron tolu husi loron 18 too loron 20 fulan Novembru 2024
Sekretaria Jeral TLPU, Zezito da Silva “Zemakar” hateten tinan kotuk TLPU halo ona advokasaun ba eleisaun, maibé seidauk iha klasifikasaun tanba la konsege halo formasaun iha tinan ida ne’e TLPU konsege organiza halo formasaun konaba mudansa klimátika.
“Iha tinan kotuk ita iha ona adevokasaun hala’o eleisaun ida ne’e ita seidauk klarifika seidauk iha realidade tanba ne’e ami seidauk konsege katak ohin ita halo ona formasaun nune’e mos ba ita nia orador nain rua matenek nain sei ko’alia kona-ba liu liu ba importansia nune’e mos iha ita nia klimátika mudanca ne’ebé iha entaun kona-ba Rai manas rai halai” dehan Sekjen Zemakar iha fokupers, Kinta (14/11/2024)
Sekretariu Jeral TLPU ne’e argumenta, Literasia mediátika mosu inísia iha media oinsá atu hatene kona-ba faktas no mitos husi natureza ne’ebé mosu fo impaktu ba mudansa klimátika ne’e.
“Literasia mediátika, katak ita hakerek nia mosu inísia buat ne’ebe la mosu iha media sosial tanba sa oinsá ita atu hatene liu husi buat sira ne’e sei fo ba ita saida mak faktas no saida mak mitos,” Sekjen TLPU ne’e sublina.
Sekretariu Estadu Komunikasaun Sosial (SEKOMS) Expedito Dias Ximenes hatete, literasia mediátika, no mudansa klimátika ne’e importante lo’os iha Timor-Leste maibé iha mos mundu seluk dala barak ko’alia kona-ba literasia mediátika ita hare avansa ho teknologia ne’ebé dadaun ne’e publiku defisil atu defini ho lolos.
“Husu ba jornalista sira tenki komprende literasia mediátika atu nune’e ita bele parese ida ne’ebé mak bele fo sai ida mak labele fo sai,” dehan Expedito Dias Ximenes
Nia hatutan mudansa klimátika iha mundu da-daun ne’e sai diskusaun makas tanba ita hotu akompaña iha situasaun mudansa klimátika nia papél importante oinsá bele lori informasaun faktus no real ba públiku
“Agora dadaun formasaun nia papel ne’e importante tebes iha Sosiadade nia laran jornalista mak kuarda kaer metin lia lo’os hanesan mensajen ne’ebé tenki ho responsabelidade atu Informa eduka atu fo difertementu oinsá atu mobeliza sosiadade nia partisipasaun”
Literasia mediátika mak sai tópiku ne’ebé fundamental iha mundu ne’ebé informasaun falsu sira sirkula lalais no kabe ba jornalista sira atu destina saida mak sala no saida mak lo’os, dala barak jornalista ne’ebé iha kapasidade inetlektual kapasidade Profissional no kapasidade tékniku oinsá atu destine hala’o diferensia ne’ebé loos no sala.
“Ita hotu hatene akompaña failansu teknologia oras ne’e dadaun la’os jornalista deit mka uja medsos maibé hanesan Sidadaun baibain mos uja medsos hodi publika informasaun hanesan Citizens no balun informasaun falsu, tanba ne’e nu’udar Jornalista oinsá buka hatene informasaun ne’e klean no faktus,” Governante ne’e subline.
Jornalista Magan : Natalia de Jesus
Editor : Agapito de Deus
