Lafaek News—Koordenadora Jerál Komisaun Covid-19, Odete da Silva Viegas, informa, Timor-Leste rejista tan kazu pozitivu Covid-19 foun hamutuk na’in 6 atúal baixa sa’e ba 29, iha sala izolamentu Vera-Kruz Dili hamutuk 28 no ida baixa iha RAEOA na’in ida 1 totál pasiente pozitivu 29.
“Ohin 9 fevereiru 2021 husi komisaun nasionál rejista tan ema na’in 6 ne’ebé konfirmadu pozitivu Covid-19, husi na’in 6 sidadaun estranjeiru hotu Sira laiha sintomas hanesan isin-manas, me’ar ka kakorok-moras, pasiente na’in 6 ne’e kompostu husi feto 4 ho idade 61, 45, no na’in 2 idade hanesan (34) Mane na’in 2 ne’e na’in 1 ho idade 53 no ida seluk labarik tinan 3,” Esplika Dermatolojista Kordenadora Jeral Komisaun Covid-19, Odete da Silva Viegas, iha konferénsia Imprensa, palasiu das Sinzas Kaikoli, Tersa-feira (9/02/2021).
Kordenadora ne’e hatutan, Sidadaun na’in 5 ne’e nu’udar família ida, iha 28 janeiru 2021 sira halo viájen husi Jakarta, Indonézia mai Kupang ho Garuda Airlines, iha 29 sira kontinua viájen mai Atambua no 30 janeiru sira tama Timor-Leste liuhusi Pontu Entrada Batu-Gade, Mota-ain no Iha Dili sira iha Auto-Kuarentena iha ótel White Sand Metiaut Dili.
“Iha Feto 1 ne’ebé ho idade 34, iha 28 janeiru nia mai husi Betun, Indonézia bá Atambua no kontinua mai Timor-Leste nia tama liuhusi dalan illegál área Batu-Gade nian, iha Batu-Gade nia aluga motor ojek hodi lori nia mai liu Dili, nune’e,tTo’o iha familia nia uma iha Betó Komoro la konsege halo kontaktu ho família, tanba nia tuur iha li’ur no biban ne’e família kontaktu kedas parte Vijilánsia bá foti nia lori ba fatin kuarentena, no sira nia teste swab foti iha 8 fevereiru no rezultadu pozitivu Covid-19 relata 8 fevereiru loraik,” Odete relata.
Enkuantu, tuir Dadus Covid-19 Loron 9 fevereiru 2021, dadus Komulativu Teste, 19691, hein Rezultadu 115 Kazu Foun +6 Komulativu Kazu 86 Rekuperadu 0 Komulativu Rekuperadu 57+4 = 61, Atuál Baixa iha sala izolamentu Vera Cruz hamutuk 28 inkluí ida iha RAEOA 1, totál pasiente 29, Komulativu Negativu 19496, Kuarentena (288 Dili: 170, Munisípiu: 118) Auto-Kuarentena 123 (Dili: 97, Munisípiu: 26) Pasa Ona 14 Dias 7732.
Jornalista : Sandi Belo
Asisténsia Editor : Egidio Nono
