Lafaek News—Sidadaun Timor-oan nain rua (kazal) detetadu pozetivu kazu Covid-19, a sintomátiku, bainhira hala’o viajen husi Tangerang Jakarta iha loron 21 Dezembru 2020 ho garuda airlines ba kupang toba iha Otel Timore no kontinua viajen mai Atambua too Timor iha loron 22 ho fula hanesan.
“Sidadaun Timor oan nain 2, fen ho laen ho idade 48, fen ho idade 39, sidadaun nain rua ne’e asimtomatiku,”esplika portavoz covid-19, Odete da Silva Viegas, iha komferensia imprensa, iha palacio das sinzas, Kaikoli, Kuarta (13/01/2021).
Odete klarrifika sidadaun rua ne’e viajem husi tangerang Jakarta, iha loron 21 Dezembro 2020, ho aviaun garuda airlines ba kupang, toba kalan ida iha otél Timore, no sai husi Kupan ba Atambua iha loron 22 Dezembro 2020, ho karreta rental, no hela semana ida liu iha otel Matahari, sai husi Atambua mai Motain ho familia nia karreta.
Entretantu, iha kareta laran ema hamutuk na’in 4, ho driver, hatun tiha ema na’in rua ne’e iha MOtain driver no familia seluk fila ba Atambua, nune’e sidadun kazal ne’e haree portaun Motain taka hela, sidadaun refere tama tuir postu UPF Badut-Mean, no forsa UPF tula iha karreta mai entrega iha karantina Motain, sidadaun nain 2 ne’e, da-daun ne’e kumpri hela karantina iha Motain Batugade.
Portavoz covid-19 ne’e hatutan, ekipa vijilánsia SSM Bobonaru hasai ona sira nia swab test iha loron 11 janeiro 2021, ho rezultadu teste Pozetivu sai iha loron 12 fulan hanesan, no pasajeiru ne’ebé iha karantina iha Batugade hamutuk 22, no sira ne’e hotu tama liu dalan illegal.
Total dadus iha loron 13 janeiru 2021, total teste 17834, hein rezultadu 214, total komulativu kazu 51, rekuperadu 45+4=49, kazu foun 2, numeru baixa 6, rezultadu(-) 17569, tama illegal perriodu 31 dezembro 2020-12 janeiru 2021: 22,( Díli :0, Munisípiu:22), total karantina 93,(Díli 27, Munisípiu 66), auto karantina 79,(Díli 79, Munisípiu 0), passa karantina 14 dias: 7316,(Díli 6067, Munisípiu 1249).
Jornalista : Sandi Belo
Editora : Nelya Barros
