Lafaek News—Diretora Jerál Ministériu Agrikultura no Peska, Maria Odete do Ceo Guterres, afirma tinan ne’e MAP sei alarga tan natar sa’e a haktares 80 iha kada irrigasaun atu bele hasa’e produsaun ai-han rai laran.
“Ami mós halo iha fatin balun kanál irrigasaun no kada irrigasaun iha 40 haktares husi ne’ebá ami aplika masa pupuk orgániku ne’ebé nia funsaun atu hasa’e produsaun no ami teste tinan kotuk iha kanál sira ne’e nia produtividade per hektares ne’e iha 6-7 toneladas se ita la’o normal de’it iha 3,5 tinan ne’e ami hakarak espanda tan irrigasaun kada irrigasaun ami aumnenta 40 hektares entaun hamutuk hektares 80 kada irrigasaun,”dehan diretora jerál iha resintu, MAP, 04/02/2021.
Diretora jerál MAP ne’e haktuir, tinan ne’e iha aumentu produsaun kompara ho tinan uluk, tanba uluk liu produsaun foos toneladas 42.000, karik iha 143 mill toneladas tinan ne’e sa’e ba 180 toneladas no konvernte ba foos iha tonelada 49.500 mill no dadus ida ne’e MAP halo kada tinan.
Diretora ne’e dehan, previzaun ba 2021 sei ba mos pakote rekuperasaun ekonomia no sei halo tan espansaun no mos intensifikasaun.
“previzaun ba 2021 ita hareea agora iha ona pakote rekuperasun ekonomia no ami hanoin atu halo tan espansaun la’os de’it maibé halo intensifikasaun ba iha natar sia liuliu iha kanál irigasaun sira boot sira,”tenik nia
Jornalista : Egidio Nono
Editora : Nelya Barros
