Lafaek News—Primeiru Ministru Taur Matan Ruak, kinta (04/02/21), hasoru malu ho Prezidente Repúblika Francisco Guterres Lú Olo iha reuniaun seminal hodi aprezenta atividade governu nian liga asuntu covid-19 nian oinsá bele hetan vasinasaun.
“Da-daun ne’e iha ministru ida mak trata asuntu ne’e mak lidera hus vise primeira ministra atividade sira ne’e la’o ho di’ak aprezentasaun sei halao iha kuarta oin mai, tanba ne’e governo seida’uk hasai desizaun maibe probavelmente ho apresentasaun ida ne’e bele hetan ona informasaun bele ajuda governo bele halo desizaun atu hetan arkuris no sosa Vasina ba ita nia rai” dehan Primeiro ministro Taur Matan Ruak Prezidente Repúblika Aitarak laran, Kinta (4/02/2021)
Akresenta primeiru ministru, moras COVID19 ne’ebé da-daun ne’e aumenta governu preokupa loos, tanba fulan rua tutuir malu númeru aumenta makas tan ne’e ho estensaun estadu Emerjénsia ba dala sanulu ne’e governo deside reativa sala situasaun.
“Da-daun ami organiza makas hela para haree reativa fali sala situasaun iha CCD no mos tau mini iha fatin tolu Oe- kusse, Bobonaru no Kovalima bele hakbiit an hodi bele kontrola makas tama sai no mos karantina sira,” afirma xefe governu ne’e.
“Ida ne’e mak hodi bele haree ita nia kbiit, karik situasaun ne’e evolui nafatin hanesan ne’e too iha kontaziu komunitariu ba senáriu pior ne’e ita iha kbiit hela, se iha kbiit atu responde karik too iha ne’ebé, atu avalia ita nia kapasidade ne’e rasik, nos mos bele kapasidade sensibiliza ba ita nia komunidade sira atensaun makas ho moras ne’e,” haktuir xefe governu ne’e.
Xefe governu ne’e mós lamenta rona no haree ema ko’alia makas ema sira ne’ebé dansa fali iha karantina, tanba laiha kontrolu ida ne’ebe di’ak.
“Gracas adeus tanba ita nia estadu emerjénsia ba dala sanulu ona maibe iha ita nia rai ema mate laiha no susesu boot, susesu ida ne’e labele governu mesak de’it, estadu hotu no sosiedade sira ida-idak ho nia kontribuisaun rasik.” nia hakotu
Jornalista : Rita Moniz
Editora : Nelya Barros
