Lafaek News–Universidade Nasionál Timor Loro sa’e (UNTL) Departamentu Síensia Sosiais fo hala’o orientasaun ba estudante foun tinan akadémiku 2022 hamutuk 778 kompostu husi departamentu hitu hanesab Aministrasaun Públiku, komunikasaun social, relasaun internasional, polìtika publika, siénsia polítika, no inkluzaun sosial dezenvolvimentu komunitária.
Antonio dos Santos Loco hanesan Xefe Senado departamentu administrasaun pubklika hatete, orientasaun ida ne’e ho objetivu atu kuda estudante sira nia mentalidade no oinsa bele koñese ambiente akadémiku.
Objetivu principal husi orientasaun Ida ne’e mak oinsá lori estudante sira atu koñese no hatene ambiente akadémiku nian no importante liu atu lori estudante sira hatene vida ensinu súperior no ensinu sekundária no mos atu kuda estudante sira nia mentalidade ,” dehan Antonio ba Jornalista lafaek news iha Liceu (08/04/2022).
Orientasaun akademiku ne’e sei halao durante loron tolu hahu husi loron kinta horseik to’o aban remata.
Iha biban hanesan estudante Laura vicunha Martins husi departamentu siéncia polítika espresa ho sentiment kontenti hodi tuir orientasaun, tanba liu husi orientasaun aprende buat foun no mos atu koko mentalidade.
Ha’u senti urgullu tebes hodi tuir orientasaun Ida ne’e tamba liu husi orientasaun Ida ne’e ha’u aprende buat foun no koñese klaru kona ba lalaok husi universidade, no liu husi orientasaun Ida ne’e mos bele preapara ha’u nia mentalidade,” afirma Laura
Observasaun Jornalista lafaek news nota estudante sira hatais uniforme, feto mane uza ropa mutin-metan ho xapeu no estudante sira lori lapizeira ida ho kadernu ho atributu seluk tan hodi tuir orientasaun.
Jornalista : Domingas Viana
Editor : Agapito de Deus
