Lafaek News–Autoridade lokál Suku Katrai-Leten postu administrativu Letefoho, munisipiu Ermera, Domingos Fernandes, sente triset tanba independénsia tama ona tinan 20 maibé populasaun suku Katrai-Leten kontinua sunu lampu tradisional hanesan tempu izoladu.
Ami mai iha ne’e la’os atu husu kadeira hodi ba tur iha Parlamentu Nasionál, maibé husu atau matan ba dezenvolvimentu, populasaun barak iha suku no aldeia ahi seida’uk tama, ukun an tinan barak sei iha nakukun laran,’’ katak Domingos ba lider orgaun soberanu hanesan Prezidente Repúblika, José Ramos Horta, Prezidente Parlamentu Nasional, Aniceto Guterres no Primeiru Ministru Taur Matan Ruak, iha ámbitu diálogu komunitaria kulturál ho tema dalan ba dame iha edefísiu terras propriedade Gleno munisípiu Ermera sábadu foin lalais.
Reprezenta xefe suku 52 ha’u mai Iha ne’e laos atu husu kadeira hodi ba tur iha Parlamentu Nasionál, husu dezenvolvimentu, Iha suku 52 ita iha Dili mak ahi lakan populasaun barak mak iha suku aldeia ahi seida’uk tama, signigika ita ukun an hela mos sei iha nakukun laran”, deklara autoridade lokal Suku Katrai-Leten ne’e.
Autoridade lokal Suku ne’e deklara, momentu ida ne’e mak hakarak husu ba nain ulun sira, tanba ohin loron kompletu kedas iha ne’e, tanba loron bai-bain susar hasoru atu haree bba dezenvolvimentu Ermera atu haree ba dezenvolvimentu tau matan mos ba bee, edukasaun, saúde, agrikultura nos sira seluk.
Iha fatin hanesan Primeiru-Ministru Jenerál( PM) Taur Matan Ruak fo komentáriu ba autoridade lokal Suku Katrai-Leten hatoo pergunta katak, kona-ba eletrisidade PM nia orientassaun ba Obras Públikas tinan ida ne’e kompleta ona suku atus haat lima nolu resin rua tenki hotu kedas, prosesu dadaun ne’e halo ona para hotu tinan ida ne’e, depois abansa fali ba aldeia sira, iha aldeia sira ne’ebé labele ita sei lori painel Solar.
Eletrisidade ha’u nia orientassaun ba Obras Públikas tinan ida ne’e kompleta ona sukus atus haat lima nolu resin rua tenki hotu kedas, Prosesu dadaun ne’e halo ona para hotu tinan ida ne’e, depois abansa fali ba aldeia sira, iha aldeia sira ne’ebé labele ita sei lori painel Solar,” deklara Xefe governu Taur Matan Ruak ba komunidade iha Munisípiu Ermera.
Tuir xefi governu ne’e katak, Tanba iha estratéjia dezenvolvimentu ne’e iha modelu rua ka tolu, ida mak obriga populasaun sira konsentra hotu iha Dili, karik dada eletrisidade, ka bee fasil liu lais liu, ida seluk halo de’it iha aldeia sira suku sira, ida seluk halo rua ne’e dala ida.
Dada eletrisidade ba trezentus mil eital populasaun iha Dili fasil liu fali dada eletrisidade ba suku ida, tanba aldeia ida iha kilometer 5, 6 ba fali aldeia ida, ita dada fiu kilometru ida rua iha rai fuik ne’e kustus, ita boot sira hanoin tok, ida ne’e esforsu sira ne’ebé mak estadu halo”, dehan PM Taur ba komunidade.
Tuir dadus ne’ebé mak jornalista asesu husi Prezidente Autoridade Munispiu Ermera katak, Ermera kompostu husi postu 6 suku 52 no aldeia 276 tuir populasaun sensus 155.564 ne’ebe kompostu husi mane 77,608 no feto 77.956, populasaun 80% maioria moris ho agrikultura tamba depende ba kafe ne’ebe a’as.
Jornalista : Rita Moniz
Editór : Agapito de Deus
