Lafaek News–Diretor Jéral operador Telemor, Tran Van Bang, promete sei introduz teknolojia 5G atu halakon projesaun internet ne’ebe sempre hakat hanesan lenuk iha Timor Leste.
Iha Timor-Leste tanba ita laiha kabu sub-marinu, koneksaun internete ne’e delay (lenuk) Iha Timor-Leste telemor halo ninia esforsu tomak atu introdús teknolojia 5G hodi halais liña internete”, esplika Diretor Jéral TELEMOR Tran Van (Brian) hafoin enkontru semanal ho Prezidente Repúblika José Ramos Horta iha Palásiu Prezidensiál bairo-pite segunda ( 11/07/2022).
Tuir Diretor jestor operador telemor ne’e katak, nia parte gaerantia kabu sub-marinu ne’ebé governu planu atu dada mai sei halais di’ak liután liña internet iha Timor Leste, iha tempu hanesan ho teknolojia 5G liña internete sei lais liután.
Iha enkontru ne’e xefi estadu, apresia ho TELEMOR nia ejistensia ba Tinan 10, fo apoiu no suporta tomak ba aktividade sira ne’ebe mak TELEMOR realiza iha Timor-Leste iha tinan 10 nia laran.
Entretantu iha okaziaun ne’e Diretor Jeral kompania Vietel ne’e ho nia ekipa hatoo parabéns ba Prezidente Repúblika hanesan segundu mandatu ba Prezidente Repúblika, toka mos asuntu kona-ba solusaun ICT iha TL iha tinan 10 nia laran, hanesan sinema, Mosan no seluk tan, ko’alia mos kona-ba vizaun no estratejia ba tinan hirak tuir mai, atu fortalese kualidade liña internete no data internete.
Jornalista : Rita Moniz
Editór : Agapito de Deus
