Lafaek News–Xefe Estadu MaiorJeneral Forsas Armadas, Major Jeneral Falur Rate Laek, informa kuarta (14/07/2021) nu’udar loron ikus ba teste ba kandidatu membru F-FDTL nune’e sei taka naran ba públiku iha tempu badak bainhira iha ona desizaun.
Falur Rate Laek hatoo asuntu ne’e hafoin enkontru Prezidente Repúblika, Francisco Guterres Lú Olo, iha palasiu prezidensial Bairru-Pite, kuarta semana ne’e bainhira aprezenta rezultadu rekrutamentu kandidatu forsas armadas nian ne’ebé too ona faze final ba xefe estadu ne’e.
“Ohin loron, loron ikus halo teste, ba rekrutamemtu membru F_FDTL nian kuandu nia, prosesu ne’e, sira ne’ebe tuir ona tenste iha selasaun hotu tiha, presidente no komisaun sira sei tur hamutuk fo abalisaun, aprovasaun, no mos sei submete ba iha Komandu,” katak Falur Rate Laek, iha kuarta semana ne’e.
Hatuan, komandu sira iha mekanizmu hodi tur hamutuk halo avalisaun tan, foti desizaun final mak foin taka sai naran iha tempu badak, más faze teste ne’e remata ona iha loron kuarta (14/07/2021),ba membru FFDTL foun sira, maibé sei bele aban tan, tanba kandidatu nain sanulu liu ne’ebé da-daun ne’e iha hela karantina fo oportunidade sira ba halo teste.
Iha sorumutu ne’e Xefe Estadu Maior Jeneral Forsas Armadas, Major Jeneral Domingos Raul (Falur Rate laek) ho Xefe Estadu Maior Forsas Armadas, Brigadeiru Jeneral Calisto Santos Coli ( Coliati), hasoru malu ho Prezidente Repúlblika ko’alia asuntu teste final membru F-FDTL no mos ko’alia situasaun jeral iha Timor-Leste, no rekursus ne’ebé atu apoiu seguransa polisia sira iha Fronteira.
Jornalista : Rita Moniz
Editor : Agapito de Deus
