Lafaek News—South East Asia-Primary Learning Matrics (SEA-PLM Sigla Inglesh), segunda (24/07/2023) realiza Workshop hamutuk UNICEF, South East Asian Ministers of Education Organization (SEAMEO) objetivu preparasaun tékniku hodi hala’o survey ba eskola ensinu primaria iha territóriu nasional Timor Leste
Asuntu ne’e hatoo husi Diretor Jerál Southeast Asia Primary Learning Matrics (SEA-PLM) Raimundo José Neto iha workshop iha Jl-Villa kona-ba preparasaun enumerator sira no oinsá atu halo levantamentu dadus kona-ba implementasaun no survey ba alunos primeiro ano sira liu-liu lee no hakerek.
“Workshop semana nee ho Nia temátika southeast asia priimary learning matrics atu prepara enumerator Sira oinsa atu halo levantamentu de dadus Kona-ba implementasaun programa ida ne’e hanesan mos atu halo survey ida ba Ita nia alunos sira iha primeiro ano sira nia kapasidade lee no hakerek ne’e to iha ne’ebé,” hateten Raimundo José Neto.
Neto argumenta, programa ida ne’e nasaun hotu adopta iha internasional no rejionalmente no asean adopta sistema ida ne’e, Timor-leste seidauk sai membru Asean Timor Leste sempre hola parte iha atividade no eventu sira kona-ba edukasaun nian, atividade ne’e hanesan dahuluk relaiza iha Timor Leste.
“Ninia istória foin hahú iha 2019 más 2020 atu implementa mosu Covid 19 entaun Ita seidauk konsege hola parte, foin Hahú fali iha 2022 to 2024, Timor Leste mos Hola parte ona, iha tinan kotuk Ita haruka grupu kiik–oan ida ba tuir formasaun iha nasaun balu hanesan Korea, Tailándia no Pilipina, sira mak sai hanesan mobilisador ema sira seluk hodi implementa programa hirak ne’e.
Tuir nia, programa ne’e sei garantia kapasidade manorin sira nia formasaun liu-liu professore hanorin primeiru ano oinsá atu asegura livru no manual nu’une estudante sira bele hatene lé no hakerek.
Entretantu Workshop hetan apoio husi UNICEF, SEAMEO no SEA-PLM,atividade ne’e sei implementa iha eskola hotu iha territóriu nasional kompostu husi eskola públiku no privadu.
Jornalista : Felix Fernandes
Editor : Agapito de Deus