Lafaek News—Sekretariu Estadu Formasaun Professional no Empregu (SEFOPE) Rogerio Araújo Mendonca, relata vaga Austrália nian ne’ebé rejista online iha fulan hirak liu ba kotuk sei iha hela prosesu nia laran.
Asuntu ne’e hatoo husi Sekretaria Estadu Formasaun Profesional no Empregu, Tersa semama ne’e iha Salaun Suai Room Timor Plaza, iha ámbitu despede ho Traballador 76 ne’ebé tempu badak sei ba servisu iha Austrália.
“Kona-ba vaga online ne’ebé mak agora nian ne’e sei iha hela prosesu nia laran maibé husu ba públiku laran lalika taridu lalikan hakfodak tanba sa la bá ami sei kria kondisaun ne’ebé mak di’ak tanba saida mak balu sei pendenti hela Ate data,” nia katak.
Bainhira loke vaga juventude sira ne’ebé aplai, balun iha kapasidade no abilidade ne’ebé empregador sira presiza, tan ne’e balun la prienxe kriteira, SEFOPE sei identifika sentru formasaun kada munisípiu.
“Ami servisu hamutuk mós ho embaixador Austrália ne’ebé ami hasoru ona ba iha semana kotuk hodi identifika area saida mak prioridade ba hodi bele fo formasaun ba joven sira atu nune bele koresponde ba iha merkadu Austrália nian,” nia sublina.
Entretantu iha tempu badak nia laran Traballador nain 76 kompustu husi feto 16 no mane 60 sei aranka ba servisu iha Austrália, hahu husi fulan Janeiru mai too ohin husi parte SEFOPE nian haruka ona Traballador kuaze rihun rua resin ba servisu ona iha Austrália no ajénsia ne’ebé simu traballadór iha Austrália hamutuk 105 ho total hamutuk 225.
Nia mós Rekomenda ba joven sira ne’ebé hetan oportunidade iha Austrália nafatin mantein iha sistema-laran tanba, servisu ne’e la’ós ema ida nian ou grupu ida nian, maibé servisu ne’e entre nasaun ho nasaun nian.
Jornalista : Felix Fernandes
Editor : Agapito de Deus