Lafaek News—Kompañia operadór Telkomcel liu husi ekipa Corporate Sekretaria oferese ekipamentu médiku ventiladór CPAP Vent-I Type Origin 3 (Portable Ventilador) unidade rua ba iha Ministériu Saúde Diresaun Nasionál Apoiu Servisu Hospitalar no Emerjénsia (DNASH) hodi halo prevensaun ba pandemia covid-19 iha Timor Leste.
Reprezentante Kompania Telekomcel entrega hela ventilador ba MS liu husi DNASH.
Reprezentante kompañia Telkomcel, Oscar Lusio nu’udar jerente Corporate Communication no Billing Collection, informa katak surtu Covid19 hanesan pandemia global ne’ebé afeta mos Timor-Leste, tanba ne’e ema hotu iha responsavel hanesan no tenke servisu hamutuk hodi kombate transmisaun surtu Covid19.
“ Tanba ne’e maka kompañia Telkomcel hakarak kontribui no oferese ekipamentus ventilador rua ba jestaun krize Covid-19 Timor-Leste nian hodi atende ba pasiente afetadu sira,” katak Oscar Lusio via telefone ba lafaek news, kuarta (03/03/21).
Oscar realata Kompañia Telkomcel mos sei esforsu makas atu bele hetan tan ekipamentus prevensaun Covid19 balu ho naran GeNose husi Universidade Gajah Mada (UGM) Indonezia, atu bele kontribui mos ba Ministériu Saúde liu husi ekipa Jestaun Krize Covid-19 atu bele halo prevensaun hodi kombate transmisaun lokál iha Timor-Leste.
Ventilador
Ekipamentus refere simu direitamente husi Diretor Nacionál DNASH no Ko0rdenadór Pilar VII Covid-19, Nilton do Carmo da Silva, SpOT, MBiomed, iha nia servisu fatin, edifísiu DNASH Kaikoli Dili.
Diretór Nacional no Koordenadór Pilar VII Covid-19 ne’e apresia no hato’o agradesimentu boot ba kompañia Telkomcel ba inisiativu no supporta ida ne’e.
“Hein katak ekipamentus refere bele ajuda no tulun ita nia maluk sira ne’ebé agora dadaun sofre hela moras Covid-19 iha Timor-Leste,” Oscar hakotu.
Ekipa kobertura : Lafaek News
Editora : Nelya Barros
