Lautém-(Lafaek News)—Komandante PNTL munisípiu Lautém, superintendente polísia, António Regor Fernandes, orienta ona membru polísia na’in 9 halo vijilánsia iha postu Laivai hodi kontrola movimentasaun transporte públiku iha ámbitu EE ba dala XI.
“Hahú husi fulan Marsu ne’e kolóka membru na’in sia iha ne’ebá para sira troka malu halo seguransa iha postu Laivai halo servisu 24 horas halo chek point másimu ba ita nia movimentu husi munisípiu seluk mai tama iha Lautém,” katak Antonio Rego Fernandes ba Lafaek News iha kna’ar fatin Lautém, kinta (04/03/21).
Objetivu husi destakamentu membru iha postu refere hanesan tentativa atu akompania nafatin revolusaun ba surtu covid 19, liu-liu prevene transmisaun lokal.
Sorin seluk Diretór Servisu Saúde munisípiu, Lautem, Bernardo Lopes, reforsa katak pontru entradas rua iha munisípiu Lautém tau postu hodi bele halo kontrola ba ema tama no sai iha Munisípiu Lautém.
Jornalista : CE Lautém
Editora : Nelya Barros
