Lafaek News-Organizasaun Popular Mulher Timorense (OPMT) organiza hodi komemora loron nasionál ba veteranus no konta mós ho feto nia luta ba independénsia Timor-Leste.
“Ohin 3 de marsu loron nasional loron veteranus nian, loron ida ne’ebé importante tebes marka ita nia istória Repúblika Demokratika de Timor-Leste, luta naun ba ita nia funu nain sira mane ho feto nia luta ne’ebé máka hakerek ona iha ita nia estatutu os kombatentes da libertasaun nasionál,” Dehan Sekretária Jerál OPMT, Florentina Smith, ba Jornalista sira iha Muzeu Rezisténsia Liceu, kuarta (03/03/2021).
Nia dehan, loron ida nee, loron boot mós ba feto sira, tanba veteranus konta mós feto ninia partisipasaun, feto ninia luta ba independensia ohinn loron ba ema hotu sai sasin ba iha estadu direitu Demokratiku nian.
Iha komemorasaun ne’e, komisaun organizadora kompostu husi komisaun peskiza elaborasaun istória da luta da mulher Timor hamutuk ho OPMT iha hanoin ida atu halo publisidade iha ambitu lansamentu Livru “Buibere Hamriik Ukun Rasik-Aan” ne’ebé máka sei lansa direitamente husi Sua Excelensia Prezidente da Republika PR, Francisco Guterres Lu-Olo’ iha semana oin.
“Ha’u hanoin hanesan feto valor ida ne’e hakarak husik hela ba iha ita nia istória ba jerasaun foun sira atu hatene klean ba luta feto Timor nian, hanesan OPMT organizasaun massa ida ne’ebé mak harii iha situasaun ne’ebé mak disifisil tebes,” tenik Sekretariu Jeral OPMT.
Objetivu atu hakuak feto hotu, atu lori feto sira naroman ne’ebé mak haree ona no hakarak nafatin hametin oinsa ita hotu hamutuk iha fatin ida atu nune’e bele lori ita nia dezenvolvimentu ba ita nia povu nomós ba rai doben ne’e.
Nune’e mós, Diretór Ezekutivu Mezeu Rezisténsia, Antonio Batista Alves aumenta tan katak, arkivu Mezeu da Rezisténsia Timorense hamriik ho nia objetivu ho misaun prinsipal maka lidera ba maun alin sira.
“Entaun ida ne’e, ita hotu nain kualker loron, balun presiza mai odamatan nakloke ami prontu atende ho forma saida de’it ita halo kompleta malu para oinsa bele dezenvolve ba malu hodi garante sustentabilidade kritika no dezenvolvimentu ba nasaun ida ne’e,” Dehan Direitor Ezekutivu Muzeu Resistensia ne’e.
Nune’e, Inisiativa husi eskritor sira, ne’ebé hakerek importante liu ba jerasaun foun sira tanba joven barak máka agora ko’alia barak bele, maibé hanoin atu hakerek ne’e kolen no ulun moras.
Tanba ladun abitua no laiha vontade ho ida ne’e máka hakarak agradese ba autór sira ne’ebé iha ona hanoin atu hakerek pasajem tomak ne’e, mais importante, tanba fatin ida ne’e hanesan faktus de rejistu istória ba jerasaun foun tuir mai.
Estajiada : Joselina dos Santos
Editór : Floriano Soares
