Lafaek News—Operadór telekomunikasaun Telkomcel Timor Leste, kuarta (18/01/2023), ofisialmente asina nota entendimentu ho kompania CNCV.SA ho baze fundamenta tolu liu husi koneksaun sirkuite husi uma ba uma, kapasitasaun rekursu umanu no IP Transit.
Presidente Kompaña CNCV.SA, Vidal de Jesus “Riak Leman” hateten parte rua asina memorandu nota entendimentu no iha tékniku hodi haree saida mak atu halo iha memorandu nia laran, tanba kompaña ne’e hanesan toos ida ne’ebé foin hahú, maibé saida mak iha laran entre rua ne’e seidauk hatene.
“Parte rua asina hotu prosesu ida foin hahú, ami mós iha tekniku sira mós iha tekniku sei kordenasaun saida maka atu halo iha memorandu ida nia laran, hanesan tos ida karik rua ne’e foin prepara atu halo tos, más ita seidauk hatene kuda saida maka iha laran, ai farina ka fehuk ka batar ka ita seidauk hatene” Presidente CNCV,SA Vidal de Jesus “Riak Leman” ba jornalista iha komoro ex sede Arte moris, kuarta (18/01/2023)
Hodi dehan, asina memorandu nota entendimentu ne’ebé asina husi parte rua, ne’e ba oin hala’o servisu no kooperasaun hamutuk no halo parte mós ba dezenvolvimentu ba rai Timor lorosa’e no mós ba veteranus sira hotu.
“Ha’u hanoin ba oin ne’e sei hala’o servisu sei halo servisu hamutuk halo kooperasaun servisu ne’ebé halo parte mós dezenvolvimentu ba rai Timor lorosa’e, liu-liu mós ba veteranus sira,” katak Riak Leman.
Riak argumenta tan, memorandu nota entendimentu ne’e durasaun ba tinan lima hodi servisu hamutuk ho telkomcel no kompaña CNCV.SA hodi hala’o servisu dezenvolvimentu Timor Leste ba oin.
Iha fatin Diretor Ezekutivu telkomcel, Benedictus Ardyanto Priyo, argumenta iha asina memorandu ne’e halo kooperasaun ho telekomunikasi Indonézia internasionál TL.SA no kompaña CNCV,SA ho ida ne’e halo koperasaun hodi halo dezenvolvimentu iha timor leste no pontu tolu mak hodi halo dezenvolve ba komunidade mak koneksaun sirkuit husi uma ba uma (CNCV Orbit), Rekursus Humanus (kapasitasaun) no IP Transit.
Telkomcel iha oportunidade hodi halo servisu hamutuk ho telekomikasaun indonesia internasionál TL,SA, Telkomcel hamutuk ho CCLN kompaña CNCV.SA hodi sai kooperasaun di’ak iha rai Timor lorosa’e ida ne’e hodi hametin liu tan ba liña kordenasaun ba parte telkomcel no Kompaña CNCV.SA.
“Obrigadu barak tanba iha tempu ida ne’e telkomcel bele hetan oportunidade ne’ebé di’ak atu bele iha servisu hamutuk entre telekomunikasi Indonézia internasionál TL.SA ou Telkomcel hamutuk ho CCLN liu husi kompaña CNCV.SA” katak Diretor Ezekutivu telkomcel Benedictus Ardyanto Priyo
Nia dehan, Telkomcel hala’o nia kna’ar operador iha tinan 10 iha Timor Leste no kompaña ida ne’ebé sai parseiru di’ak iha Timor no mós Telkomcel promove produtu lokál Timor Leste nian iha mundu internasional liu-liu iha Indonézia no nasaun sira seluk hodi promove produtu Timor ninian hanesan Tais Timor, kafé no produtu sira seluk, telkomcel halo nia misaun durante tinan 10 ona iha Timor Leste, hodi fo kontribuisaun ba dezenvolvimentu Timor leste, no sai parseiru ne’ebé di’ak hodi bele dezenvolve rai Timor ba oin.
“Nu’udar kompaña ida ne’ebé hala’o ona durante tinan 10 iha timor leste, ami hakarak nafatin atu sai parte ida ne’ebé fo dezenvolvimentu ba Timor leste no atu bele foti fatin no sai parte atu bele kontribui liu tan ba dezenvolvimentu Timor leste,” dehan Diretor Ezekutivu telkomcel ne’e.
Kompaña telkomcel ne’ebe sai operador iha timor funsionariu hamutuk 250 no 95% kuaze Timor oan no iha manajer telkomcel iha 75% ne’ebé hetan fiar iha telkomcel hodi maneja no responsabilidade ba Kompaña telkomcel
“Agora dadaun ne’e iha telkomcel iha funsionariu hamutuk 250 liu no 95% nu’udar Timor oan no iha nivel jerenti nian ou menejer iha 75% sira ne’ebé mak nu’udar talentu talentu ne’ebé mak lokál ne’ebé hetan fiar no responsabiliza iha telkomcel” hakotu nia
Jornalista : Aniceto Dias
Editor. : Agapitp de Deus
