Lafaek News—Servisu Saúde Munisípiu Dili (SSM-Dili), rejistu kazu dengue hamutuk 17 husi Postu Administiva haa kompostu husi Dom Aleixo, Vera kruz, Nain feto no Kristu Rei.
Diretora SSMD Maria Seguradu, informa iha semana tolu liu ba kazu dengue sa’e iha kapitál Dili no hahú husi primeiru semana fulan ida ne’e, Ministeriu saúde liu husi sentru saúde munisípiu Dili rejistu kazu dengue hamutuk 17, no oras ne’e kondisaun rekuperadu.
“Agora dadauk servisu Saúde Munisipiu Dili rejistu kazu dengue hamutuk iha 17 kazu ne’ebe maka ita iha, ne’e duni husi kazu dengue 17 ne’ebe mak ami rejistu iha kapital Dili ne’e hot-hotu rekopera,” Diretora SSM-Dili, Maria Seguradu dehan iha Timor Plaza, Maubara Room, Kuarta (19/01/2023).
SSM-Dili iha nia intervensaun ba ekipa edukasaun saúde hodi halo diskusaun kímiku ba kombate susuk hodi atende nafatin ba sira ne’ebé mak hetan moras Dengue iha sira nia fatin dirieta.
“Ho ida ninia intervensaun iha nafatin husi ita nia ekipa Edukasaun Saúde ninian depois distruisaun Kimiku ba iha kombate Susuk ne’e, nomos ita atende nafatin sira ne’ebe maka hetan ona dengue ba iha fomiliasaun direita”, Hateten nia
Enkuantu iha centru saúde komoro mak fo espasu ne’ebé ba kama 10 maibé la sufisiente ba pasiente sira no hare fali ba centru suade Vera-Cruz fasilidade labele ona, maibé fó alternativu fali ba fatin preparasaun atendimentu no kria kondisaun ba klínika hodi antisipa ba moras Dengue.
“Iha Sentru Saúde Komoro maka ita hare espasu kama 10 ne’e maka la sufisiente nomos refere fali mai iha Vera-kruz maka labele ona, alternativu ikus sira haree fila fali Tasi-Tolu”, Diretora ne’e informa.
Jornalista : Adolfina soares
Editor : Agapito de Deus
