Bobonaru-(Lafaek News)—Xefe aldeia Galo suku Lahomea, postu administrativu Maliana, munisípiu Bobonaru, Henrikus Surri, afirma produtu local ne’ebé sai hanesan baze iha suku ne’e maka liis-mean.
Liis-Mean ne’ebe agrikultor kuda tuir fillera iha aldeia Galo 10, suku Lahomea. foto LN Acacio Pinto.
“Ita ko’alia kona-ba produtu lokál iha ami nia aldeia laran dezde malae mutin nia tempu to agora ami moris ho de’it ho liis mean, iha aldeia nee rasik iha tempu uluk too agora fan liis mean ida kiik ne’e no mos fan ho animal hodi bele sustenta ami nia moris loro-loron,” hateten xefe aldeia Galu 10 ba Lafaek News iha nia rezidénsia, segunda (23/11/2020).
Autoridade lokál ne’e informa, populasaun suku Lahomea maioria kuda liis-mean ho forma fillera, bainhira too tempu koilleta fillera ida bele hetan saka ida too rua hafoin lori ba merkadu Maliana inklui mós ba merkadu Taibessi.
“Liis mean ne’ebé durante ami koilleta too boot hafoin ami lori fan iha merkadu hodi fan kantaderu Ida ami bele hetan saka ida too rua no kantanderu barak liu bele hetan saka lima too neen hodi lori ba merkadu,” dehan Henrikus.
Jornalista : Etelvina Doutel Sarmento
Editora : Nelya Barros
