Lafaek News—Vise Ministra Finansas (MF), Sara Lobo Brites, afirma reklamante sira ne’ebé seidauk hetan pagamentu $ 200 dolar husi governu iha ámbitu Covid-19, parte ministériu finansas haruka ona osan ba Banku Nasionál Komérsiu Timor Leste (BNCTL), hodi halo pagamentu.
Vise-Minisra Finansas, Sara Lobo Brites. foto google.
“Ohin enkontru ho primeiru ministru preparativus balun kona-bá pagamentu uma kain sira ne’ebé maka seidauk simu sira nia osan, informa ba primeiru ministru katak prosesu pagamentu ne’e ita haruka ona ba iha BNCTL, neduni oras dadaun ita fiar katak Ministeriu Soliedariedade Sosial Inklusaun hamutuk ho ESTATAL sei organiza pagamentu iha tempu badak,” dehan VMF Sara Lobo Brites, ba jornalista sira hafoin enkontru ho PM Taur Matan Ruak, iha palasiu governu, segunda, (23/11/2020).
Sara fundamenta, orsamentu kona-ba Covid-19 halo ezekusaun enjerál, ho entaun ida maka pagamentu faze segundu ne’e ba uma kain sira ne’ebé seidauk simu, maibé prosesu la’o hela.
Iha okaziaun ne’e, vise ministra finansas ne’e mós relata kona-ba programa cesta bázika oras ne’e prosesu distribuisaun la’o namas iha baze.
“Cesta bazika ita hotu-hotu akompañia iha kampu distribuisaun la’o hela soke afetadu ba orsamentu seidauk iha progerssu tanba Ministériu relevantes sei halo preparativus para hodi bele ensera sistema, tantu presija deit tempu uituan sira prepara hotu sei apresenta ba sekretariadu Covid par bele ensera hotu iha sistema, pur enkuantu laiha progresu signifikativu iha Novembru nia laran espera iha dezembru nia laran bele aselera,” Sara Lobo hakotu.
Jornalista : Pedro de Almeida
Editora : Nelya Barros
