Lafaek News–Ministériu Saúde (MS) liu husi, Diretora, Servisu Saúde Munisípiu Díli (SMD), Agostinha de Jesus, informa, Servisu Saúde Munisípiu Dili(SSMD) hamutuk ho nia ekipa task Force sei kontinua atende hodi fó vasina ba komunidade sira iha Dili laran, maske aplika ona Konfinamentu obrigatoriu iha Dil.
“Ita nafatin kontinua hala’o atividade vasinasaun tanba ida-ne’e desde inisíu dia 7 de Abríl até ohin iha tan Komfinamentu Jerál, maibé saúde Munisípiu Dili ninia ekipa tomak nafatin atende rutina iha fasilidades no mós hasa’e ba iha kobertura ba iha Vasina nian,” dehan Diretora SSMD Agostnha de Jesus, ba jornalista iha Sentru saúde Formoza Dili, Sesta 27/08/2021.
Diretora Saúde Munisípiu Dili Agostinha deklara, postu saúde iha munisipiu Dili hamutuk 39 ne’ebé destaka ona iha Dili laran sei kontinua nafatin hala’o servisu hodi hasa’e kobertura vasinasaun nian.
Maske antes ne’e Bazeia ba klarifikasaun ne’ebé Reprezentante Porta Voz Komisaun Interministerial Ba Implementasaun Vasina Covid-19 iha Timor Leste, Maria Santina De Jesus, ne’ebé hateten, iha Kuarta (26/08/2021. Katak, sei Suspende atividade Vasina no Kompaña Vasinasaun Covid-19 ba Komunidade iha Munisípiu Díli nian, Nia esplika.
Jornalista : Orlando Magno
Asisten Editór : Egidio Nono
