Lafaek News–Diretor Estabelesimentu Prizaun Bekora, João Domingos, informa ligadu ho implementasaun konfinamentu obrigatoriu iha munisipiu Dili nian sei pausa (hapara) provizoriu atividade vizita iha prizaun Bekora ho intesaun evita pabdemia covid-19 ba prizoneirus.
Diretor prizaun Bekora, João Domingos, hatuu asuntu ne’e liu husi komunikadu imprensa ne’ebe lafaek news asesu iha loron sesta (27/08/2021), Katak Iha loron 25 Agusto tinan 2021 kosellu ministrus aprova projetu rezolusaun governu ne’ebe impoen konfinamentu domisilariu jeral ba populasaun iha munisipiu Dili.
Rezolusaun governu ne’e hahu funsiona iha loron 27, fulan Agustu tinan 2021, tuku 00:00 to’o tuku 23:59 loron 02 fulan setembru tinan 2021.
Ho razaun fundamentakl ne’e prizaun Bekora simu orientasaun husi Ministru Justisa Via eletronika whatsapp (WA), iha loron 26 fulan Agusto tinan 2021 atu imediata suspende atividade visita familiar no atividade religiozo ba populasaun prizional iha estabelesimentu prisional Bekora hodi evita transmisaun surtu covid-19.
Ho nun’e hahu’u iha loron 27 fulan Agustu 2021 husi estabelesimentu prisional Bekora hato’o ba publiku sira liu-liu familia prional sira nian katak temporarariumente atividade vizita familia nian ba populasaun prizional sei suspende to’o iha despaxu Ministeriu Justisa hafoin bele reativa atividade vizita hanesan normal.
Tanba ne’e, husu ba responsavel relijiozos (Amo Padre, Madre sira, pastor sira ka Pendeta sira no Ustad ka Haji sira atividade relijiozu nian ba populasaun prizional sira sei suspende to’o iha despaxu ka iha informasaun foun husi Ministeriu Justisa.
Aleinde ne’e hato’o mos ba sosiedade Sivil no ONG sira entre lina ministerial katak formasaun no atividade sosiais seluk sei suspende, espetu la suspende visita ba entidade importante sira ne’ebé dekreta ona iha artigu 68o, 98o no artigo 70o dekretu lei no o. 14/20024 rejime ezekusaun penal
Director ne’e informa mos da-daun ne’e prijioneiru hamutuk 523, nain 511 ne’e vasina kompleta ona 2o doze 495 no seidauk kompleta ba 2o doze falta de’it 16.
Estajiadu : Azelio da Cruz
Editor : Agapito de Deus
