Lafaek News--Sinza (akudesan) eis jornalista saudozu Max Sthal too ona aeroportu Komoro Dili Timor Leste, loron kuarta 15/12/2021, iha oras 11 :34 (OTL), hatun husi aviaun Australia ho Marka VH-XZA 737-800 Qantas Spirit of Australia.
Sinza eis Jornalista saudozu Max Stahl hafoin too iha aeroportu Komoro, simu direita husi Lider Karizmátiku Kay Rala Xanana Gusmão, José Ramos Horta no Tenente Jeneral Lere Anan Timu, no akompania husi reprezenta lia nain husi munisipiu sanulu resin 13 simu ho tebedai no serigala.
Akompaña husi Lider Karismátiku Kay Rala Xanana Gusmão, Primeadu Nobel da Paz José Ramos Horta, Primeiru Ministru Taur Matan Ruak, Ministru Prezidénsia no Konsellu Ministru Fidelis Magalhães inklui Membru governu sira hotu.
Hafoin akudesan Jornalista Max Stahl to’o iha Aeroportu Nicolau Lobato, Juventude mate-restu 12 Novembru fó Homenazen no Viva ba MAX Stahl no loke múzika akompania poezia ba dedikasaun ba Max Stahl ho Títulu Obrigado ba Max Stahl.
Jornalista Timor Leste, ne’ebé kompostu husi Asosisaun Jornalista Timor Leste (AJTL) no Timor Leste Press Uunio (TLPU) kaer memoria Max Stahl hodi hato’o omenajen ba Max Stahl.
Entretantu Saudozu Max Stahl nia akudesan sei tula iha Premeadu Nobel da Paz José Ramos Horta nia kareta hodi halo prosesaun haleu kapital Dili laran ikus iha Santa Kruz.
Jornalista : Juvita dos Santos/Manuel Andrade
Editor : Agapito de Deus
