Ainaru-(Lafaek News)–Komandu Polísia Nasional Timor-Leste (PNTL) Munisipiu Ainaru halo Chek Point konsege detein Membru Grupu Arte Marsiál (GAM) husi Ikatan Keluarga Silat Putera Timor-Leste (IKS-PTL) hamutuk na’in-2 inklui atributu arte marsiais. .
Segundu Komandante PNTL Munisipiu Ainaro, Superintendente Asistente Polisia, Mario Vitor da Costa informa, sidadaun nain 2 ne’e membru PNTL detein liuhusi atividade check point rutina iha dalan protokolu Suku Casa, Postu Administrativu Ainaro Vila munisipiu Ainaru.
Ohin ita halo pasa ravista konsege detein joven mane nain 2, hamutuk ho evidensia komprovativu hanesan farda treinu IKS-PTL parese hat no-mos atributu seluk hanesan sertifikadu, sabuk biru, sticker bot IKS-PTL, imajem guru besar IKS-PTL, korente Q no-mos kartaun identidade ba membru Kera Sakti balun nian,” dehan Segundu Komandante PNTL Ainaro Mario, ba Jornalista via telefone, Tersa 14/12/2021.
Nia Afirma, Oras ne’e daudaun joven nain 2 hamutuk ho evidensia sira ne’e entrega ona ba Komandu PNTL Munisípiu Ainaro kontinua halo prosesu identifikasaun hodi submete ba prosesu investigasaun.
Mario esplika, joven nain 2 ne’e, ho naran inisial FdA no OdA, ho motor marka Yamaha Vixon, numeru matrikula E.5076 dirasaun husi Munisipiu Covalima atu ba Dili hafoin hetan prende hosi membru PNTL sira ne’ebe halo atividade check point.
Jornalista : Orlando Magno
Editor : Agapito de Deus
