Lafaek News—Diretora Sistema Informasaun Autoridade Tributaria (SIAT), Ostialina Belo, afirma fasilita treinamentu ba emprezariu sira atu hasa’e koiñesementu utiliza service online kona-ba rekere sertidaun dívidas ho submete rendimentu anual ho eletróniku.
“Treinamentu ida ne’e ho objetivu atu hasa’e konesimentu emprezaria sira nian kona-ba service online, oinsa hadia servisu atendimentu husi manual ba elektroniku,” tenik DSIAT, Ostialina Belo, ba lafaeknews iha MF Aitarak laran, kinta, (11/02/2021).
Jestora SIAT ne’e esplika, servisu online ne’e hola parte ba forma fiskal ninian ne’ebe planeia husi sétimu governu halo ona modernizasaun hodi atende kliente ho efisiénsia no efikasia liu, nune’e kliente sira bele prosesu servisu autoridade tributária liu husi portal ne’ebé iha.
“Atu minimiza surat tahan servisu manual sira liu husi elektrónika ne’e naran katak iha liña internet ita bele halo servisu impostu ne’e bele ita nia formulariu mensal anual liu husi service di’ak liután mak trata kona-ba sertidaun dívidas sistema foun ida ne’e espera labele mai antrian ona iha fatin autoridade tributária,” dehan nia
Durante ne’e service online ne’e besik rihun haat ne’ebé submete formuláriu hamutuk rihun sanulu resin ba mensal nian, pedidu sertidaun dívidas kuaze ema rihun rua nulu resin-lima, maioria uza ajénsia maka trata dokumentus no treinamentu ne’e hahú ona husi loros 9 sei remata iha 23/02/2021, sei kontinua ba munsípiu sira.
Jornalista : Rita Moniz
Asisten Editór : Pedro de Almeida
