SOSIÁL · 11 Feb 2021 10:23 ·

Aban Sentru Sosial Dili Apoiu Urjente Kbiit Laek Domingas Mesquita


Aban Sentru Sosial Dili Apoiu Urjente Kbiit Laek Domingas Mesquita Perbesar

Lafaek News—Ministériu Solidariedade Sosiál no Inkluzaun (MSSI) liu husi Sentru Solidariedade Sosial no Inklusaun Munisípiu Dili (SSSIMD), Luis da Costa afirma aban sesta (12/02/21) orienta ekipa tékniku identifika kbiit laek Domingas Mesquita iha Kuluhun ne’ebé publika husi media Lafaek News iha (10/02/21) ho titulu Tinan Tolu Faluk Domingas Moris ho SItuasaun Ekonomua Laiha Dignidade.

“Ha’u hakarak esplika kona-ba Família defisiénsia no kbi’it la’ek (Domingas Mesquita) ne’ebé maluk (www.lafaeknews.com) sira aprezenta mai, ne’e ema ida ke idade ona ho kondisaun ne’ebé kategoria defisiente, mezmu nia hetan ona osan idosos, maibé orsamentu ne’e la sufsiente ba nia,” Diretór SSSIMD, Luis da Costa, ba lafaek news iha nia kna’ar fatin Bemori, kinta (11/02/21).

Luis esplika, sentru munisípiu Dili maka kompeténsia no obrigasaun atu hare’e Família kbi’it la’ek no defisiente sira, maibé autoridade lokal maka dala ruma ba direita diresaun nasionál.

“Kada ves la liu husi ami mós iha ne’e akontese fila fila, kona-ba ida ne’e ekipa ida ne’ebé maka ba mós ate agora seidauk iha resultadu, maibé ha’u foin hetan informasaun ida ne’e entaun aban ha’u haruka tékniku urjentemente ba suku Kulu-Hun para hare’e defisiente ne’e nia kondisaun, para bele atendementu urjentemente ba Família sira,” nia informa.

Diretór ne’e rekomenda, atu indentidika Família kbi’it la’ek iha munisípiu sira nia parte presiza tulun husi autoridade komunitaria, no mós maluk media nasionál www.lafaeknews.com ne’ebé hare’e liu ba area sosiais bele fahe informasaun hanesan ne’e  atu sentru solidariedade social inkluzaun munisípiu Dili bele hare’e direita hodi foti medidas urjente.

“Signifika katak kuandu hare’e ona ita suporta malu liu-liu MSSI-SSSIMD bele apoiu direita ai-han ruma no finanseiru ruma, buat sira ne’e mós presija legal, la ho indentifikasaun verifikasaun hodi halo relatoriu hato’o mai sentru depois ami prepara enkamina ba diresaun ne’ebé tutela para bele apoiu netik maluk difisiente no kbi’it laek sira,” dehan Direktur.

Diretór dehan, kada postu-administrativu destaka hotu ona tékniku sosial hodi koordena ho autoridade lokal maka ba bele rekoila dadus liu husi hasai fotografia no hato’o ba sentru, tuir mai bele sentru bele halo karta akmopañiamentu ba diresaun nasionál sira atu bele hetan apoiu.

“Se autoridade sente ninia ema iha difikuldade ruma presiza kolabora ho tékniku sosiál hato’o relatóriu, se la koopera no nonok de’it iha fatin oinsá maka sosiál bele rekoilla hotu ema kbi’it la’ek sira iha munisípiu,” diretór Luis akresenta.

Luis reafirma, Sentru Solidariedade Sosiál Inkluzaun Munisípiu Dili (SSSIMD) iha programa lubuk ida liu-liu kona-ba idozus, defisiente, Família kbi’it la’ek inklui mós dezastre naturais inundasaun, durante ne’e parte sentru sosial munisípiu Dili simu dadus husi parte autoridade lokal sira kona-ba Família kbi’it la’ek halo kalkulasaun hamutuk 500, husi númeru ne’e sentru soliedariedae sosial Dili apoiu ona no kontinua hein Família kbi’it laek bainhira aprezenta ba parte sosial.

 

 

Jornalista     : Pedro de Almeida

Editora         : Nelya Barros

1,316 Views
Artikel ini telah dibaca 108 kali

badge-check

Editor

Baca Lainnya

Uma Lahuk Hatauk Faluk ho Oan Kiak Tinan 10 Moris Ho Mata-wen

6 June 2024 - 14:00

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Kbiit Laek Maria Empresta Foos Husi Viziñu hodi Sustenta Oan Sira Ninia Moris

28 May 2024 - 11:57

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Trending di SOSIÁL