SOSIÁL · 11 Feb 2021 13:17 ·

Apati Halerik Ba Inundasaun Kalan Toba La Dukur


Apati Halerik Ba Inundasaun Kalan Toba La Dukur Perbesar

Lafaek News—Ema hotu koñese Apati liu husi lia-fuan awoooo, hahú husi labarik sira too ema joven no ferik katuas sira sempre hasai lia-fuan awuuuooooo Apati nia bei-oan.

Bee restu ne’ebe fakar husi valeta hakiak fali debu iha Apati nia uma oin.

Se loos mak Apati, ho naran kompletu Martinho Pereira idade 78, hela iha suku Bairru-Pite, isin metan komikten halo ema hotu hahú husi labarik too ferik katuas sira hamnasa too ka’er kabun, maibé katuas Apati sofre hela moras ain potis, kleur ona seidauk di’ak too agora.

Moras ain potis ne’e halo Apati susar atu book an iha temu udan, liu-liu iha tempu udan bee sempre tama iha nia uma, difisl tebes ba nia ho nia oan inklui bei-oan sira atu salva sasan uma laran, uma lokaliza besik iha valeta ninin nune’e iha tempu uda bainhira tau makas, Apati ho nia bei-oan sira tenke kastigu an hamriik too bee maran tanba bee fakar sai husi valeta sulin nakonu too Apati nia uma laran.

Moras ne’ebé Apati sente (ain potis) dezde nia seik kiik ho idade 15, moras ain potis atake tiha ona nia, inklui no nia oan mane daruak Carlito Pereira,  idade (38)  inklui nia bei-oan ida naran Brian idade (8), kondisaun defisiénsia fiziku  hotu, Apati ho nia familia bainhira udan tun iha tempu kalan susar atu  toba, tanba dezde  independénsia too ohin loron sira sempre infrenta  problema dezastre naturais bee sa’e no tama iha sira ninia uma.

Apati ho nia oan Mane tu’ur hamutuk hodi hatudu hela ain potis ne’ebe’ atake iha nia ain iha nia uma iha suku Bairu Pite. Foto formando Jornalismu Reportazen dezastre Inklusivu.

 

Udan kalan ona ne’e ami tauk ona tanba inudasaun bee sa’e akontese tama uma ne’e tempu kalan hahú husi Timor  ukun a’an to agora, udan tama ne’e ami hamrik too loron ami hamoos tahu no fo’er sira seluk iha uma laran mak foin deskansa,” Haktuir Martino Pereira ba jornalista  sira iha nia hela fatin suku  Bairo Pite, posto Administrativu Dom Aleixo ,Munisípiu Dili,Tersa semana ne’e.

Apati ho nia familia hela fatin kontinua risku ba inundasaun , bainhira iha tempu udan  sira sempre tauk, tan de’it sira nia kondisaun defisiénsia  ne’ebé sira nain tolu rasik mos labele  salva sira nia sasán uma laran, sira so bele salva sira nia an ho maneira sira hamriik de’it iha bee laran to’o bee maran.

“Laiha maneira seluk hodi ami salva a’an  husi inundasaun  ne’e  so ami bele hamriik to’o bee maran,” Apati ko’alia ho oin hamnasa.

Apati nia uma lokaliza iha area  risku ba inundasaun tanba nia uma besik mota bainhira udan boot lixu hirak ne’ebé bee lori sulan metin valeta halo bee entupidu fakar sai sulin kedan ba avó Apati nia uma laran.

Valeta  besik Apati ho nia familia nia uma nakonu ho lixu ne’ebé hamosu dezastre naturais bee sa’e kada tinan iha suku Bairo Pite iha tempu udan. Foto formando Jornalismu Reportazen dezastre Inklusivu.

Defisiénsia Apati haktuir, nia sai koiñesidu iha Midia Sosial tanba primeriu nia hanesan ema komíku, maibe Ximão halo nia vidio Auuuuuooooo ba iha Media Sosial ema barak komesa koiñese iha públiku too ohin loron.

“ Ha’u ne’e la’os kantor ha’u ne’e ema komik, maibe baihira Ximão mai  halo ha’u nia vidio ko’alia ho Liafuan AUUUUUOOOO ne’e agora  barak mak koiñese ha’u tanba ne’e motiva ha’u atu aprende kanta fali, ”  Konta Apati.

Husi komiku ne’e Apati sai ona mos model iha publisidade video My Timor Husi Kompania operadór Telkomsel no kantór iha konsertu sira bainhira ema konvida nia hetan ona osan kuaze $.450 no hetan mos faru husi konsertu ne’e rasik.

Apati iha oan hamutuk na’in 11, mate na’in 4 kompostu husi feto rua mane rua, no na’in 7, mane 4 ho feto 3 maka sei moris, entre sira na’in 7 ne’e ida sai difisensia fíziku iha parte ain hanesan mós avó Apati.

Entretantu iha apati nia moris hanesan ema komiku no nia konsege hetan osan husi komiku ne’ebe nia halo, ema konvida nia ba iha konsertu ruma, nia mos sai hanesan fitun iklan ba iha produtu my timor husi telkomsel.

Apati ho nia oan mane no nia be- oan hetan mos ajudus husi parte relevante hanesan Rais hadomi Timor Oan (RHTO) Asosaisaun Defisiénsia Timor Leste ADTL , no liu husi Ministériu Solidariedade Sosial no inkluzaun.

 

 

Formandu Jornalismu           : Reportazen Dezastre Inklusivu

editora                                    : Nelya Barros

1,346 Views
Artikel ini telah dibaca 205 kali

badge-check

Editor

Baca Lainnya

Uma Lahuk Hatauk Faluk ho Oan Kiak Tinan 10 Moris Ho Mata-wen

6 June 2024 - 14:00

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Kbiit Laek Maria Empresta Foos Husi Viziñu hodi Sustenta Oan Sira Ninia Moris

28 May 2024 - 11:57

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Trending di SOSIÁL