Lafaek News—Sekretáriu Estadu ba Komunikasaun Sosiál (SEKOMS), hala’o sorumutu ho Country Representative The Asia Foundation (TAF), hodi ko’alia kona-ba kooperasaun servisu iha area komunikasaun oinsá fahe informasaun ne’ebé loos ba públiku.
Sekretáriu Estadu ba Komunikasaun Sosiá (SEKOMS), Merício Juvinal dos Reis “AKARA” hateten, iha nia parte sei prioridade liu oinsá bele garante ema hotu-hotu bele asesu ba informasaun ne’ebé loos no kredivel, la’os de’it asesu iha nasionál maibé bele to’o iha área rurál sira.
“Hanesan membru Governu ho nia kna’ar iha área komunikasaun sosiál iha responsabilidade atu divulga informasaun ba komunidade kona-ba lei, dekretu lei no regulamentu sira husi Governu, inklui desizaun hotu-hotu ne’ebé Konsellu Ministru desidi ona,”Dehan Akara ba Jornalista iha sala reuniaun SEKOMS Palasiu Governu Dili, Kinta 11/02/2021.
SEKOMS Akara, konkorda atu servisu hamutuk ho The Asia Foundation (TAF), no orienta mós ekipa tekniku husi SEKOMS nian atu koopera nafatin hodi haree asuntu tékniku kona-ba kooperasaun refere.
Entretantu, iha sorumutu ne’e, akompaña husi Xefe Gabinete Interinu no Tékniku Profisonál Espesializadus SEKOMS inklui ekipa Tradutora The Asia Fundation.
Media : SEKOMS
Editora : Nelya Barros
