Lafaek News- Servisu Registo e Verificação Empresarial (SERVE).IP, alerta ka husu ba empreza hotu atu kopera hodi hatama dokumentus negósiu
bazeia ba dekretu lei númeru 83/2022 artigu 26. enkuantu, empreza ne’ebe lakumpri sei hetan sansaun ka multa, Alerta ne’ebe hato’o husi SERVE pozitivu tebes tamba bele hafanun di’ak liutan vontade no ispritu empreza Timoroan sira hodi bele hala’o negósiu ho di’ak no responsabilidade.
Relasiona ho dokumentu refere, maka segunda feira (14/07/2025), Camara de Comersiu e Industria de Timor Leste (CCI-TL) servisu hamutuk ho Servisu Registo e Verificação Empresarial (SERVE).IP, re-lansa hikas rezistu baze dadus negósiu nasionál ne’ebe hala’o iha Akait Dili.
Iha oportunidade ne’e, Vice Prezidente CCI-TL Rui Castro mos husu ba ekipa levantamentu dadus empreza sira atu servisu ho fuan no laran,nune’e bele produz rezultadu ho di’ak no kualidade. Selae ema estranjeiru bele aproveita oportunidade. Tamba ne’e husu ba timoroan sira tenke fiar malu no apoiu malu.
“Primeiru Ita hahú ona iha fulan novembru hafoin identifika maka ita foin kontinua avansa, prosesu hirak ne’e normal e prosesu hotu laba ho mulus, maibe dadaun ne’e ita komesa hakat ona ba oin no orgullu ba ita bo’ot sira no parabens mos ba ekipa Kalohan katak prosesu ne’e di’ak tebes. Hanesan Timoroan ita tenke konfia malu fi’ar a’an hakat ba oin ida ne’e mak importante. Agora ita re-lansamentu no hahú servisu identifika buat ruma hodi hadi’a ba futuru nune’e bele produz rezultadu ho di’ak,”dehan Castro, ba jornalista sira iha edifísiu CCI-TL Akait Dili.
Vice Prezidente CCI-TL hatete, re-lansamentu rezistu baze de dadus nasionál ne’e hanesan teste ida ba timoroan hotu atu bele hadi’a di’ak liutan kualidade hodi labele fo oportunidade ba ema estranjeiru.
Castro relata, atu reforsa prosesu ne’e la’o ho di’ak hahú agora tenke identifíka tékniku balu ne’ebe presija asina nota intendemenu ho SERVE.IP nune’e bele hadi’a di’ak liutan.
Fatin hanesan, Reprezentante Diretór ezekutivu SERVE.IP Fausto Soares Dias husu ba emprezarial sira atu kopera ho SERVE.IP ho ekipa kalohan atu hatama dokumentus hanesan sertidaun do rezistu komersiál, sertifíkadu do komersiál no autorizasaun ezersísiu nomos deklarasaun previa sujeta e naun sujeta inklui estatutu nune’e bele halo rezistu ba iha levantamentu dadus.
“Hato’o ba maluk emprezaiál sira ne’ebe mak iha timor laan liu-liu muinisípiu Dili nomos liu-liu ba alvogado no agensia sira ne’ebe mak trata dokumentus no maluk estranjeius sira ne’ebe mak hala’o atividade iha tipu unipessoal limitada sosidade anonimo no reprezenta permanente sira iha timor laran. Ha’u nafatin hato’o mensajen no husu para maluk emprezáiu sira atu kopera ho ekipa rua hanesn SERVE.IP no ekipa kalohan,”dehan Reprezentante SERVE.IP.
Entertanu, tuir levantamentu dadus ne’ebe ekipa rekolla iha teritóriu timor laran tomak hamutuk 1047.
Jornalista : Amandio Leite
