Ermera—Sekretariu Jerál Partidu Kmanek Haburas Unidade Nasional Timor oan (KHUNTO), munisípiu Ermera, realiza enkontru ho Kordenador postu no suku hala’o ajustamentu estrutura no prepara estabelese estrutura iha suku foun iha 26 Jullu 2025.
“Bazeia ba asunto ohin oinsá atu koloka estratejia atu hala’o reajustamentu ba estrutura munisipio, posto inklui suku, ita nia etratejia ne’e fila-fali ba ita hotu atu hanoin, ita hakarak loke liras ba familia sira seluk ne’ebe la’os KHUNTO, ita tenke loke liman hodi simu familia sira ne’ebe hakarak mai, tanba ita atu koloka estratejia atu reajusta estrutura munisipiu ita halo estrajeia ita tenke loke estratejia, ojetivu husi reajustamentu estrutura ne’e atu bele garante vitoria ba partido Khunto iha Eleisaun sira tuir,” Sekretariu Jeral munisipio Ermera Sebastião de Deus ba partisipante sira iha Sede Khunto Tokoluli Ermera, 13 de Jullu de 2025
Observasaun jornalista iha terenu nota katak iha enkontru ne’e hetan partisipasaun másimu husi koordenador Partidu KHUNTO nian iha postu administrativu 6 inklui suku enkontru ne’e lidera husi sekretariu jeral no adjunto sekretaiu jeral munisípiu Ermera.
Jornalista : Mateus F.de Deus
