Lafaek News—Sekretariu Estadu Protesaun Sivil, Joaquim José Gusmão dos Reis Martins, sei estabelese ekipa protesaun sivil (korpu bombeirus) iha munisípiu tolu (3) hanesan Manatuto, Ermera no Likisá.
Quim Gusmão hatoo asuntu ne’e iha serimonia posse ba membru protesaun sivil hamutuk 96 husi munisípiu tolu hodi destaka ba Ermera, Manatuto no Likisá, membru bombeirus 96 ne’e kompostu husi mane 86 no feto nain 10.
“Ohin ita kempleta ona durante nee ita bo’ot sira hatene katak iha municipu tolu mak ita sedauk iha kada bombeirus,hanesan munisípiu liqisá Ermera no manatutu,i ohin ita kompleta ba municipio tolu ne’e,ita rekruta membru tolu nulu resin rua kada municipio,” Joaquim Gusmão ba jornalista sira Iha salaun Akademi Komoro Dili foin lalais.
Governante ne’e mos afirma rekrutamentu foun 32 kada munisípiu seidauk masimu, presiza aumenta tan númeru bombeirus iha Timor Leste hodi asegura dezastre naturais.
“Ohin iha hau nia intervesaun ha’u hateten katak atu dehan too ona ita seidauk too iha normal ne’e minímu membro sira32, maibé ho area servisu ne’ebe mak bo’ot ita tenke aumenta tan ita nia forsa bombeirus nian,” Quim Gusmão hakotu.
Estajiada : Felix Fernandes
Editor :; Agapito de Deus