Lafaek News—Reprezentante jestaun merkadu Taibessi, Gaspar da Silva, fo klarifikasaun nakait ho membru seguransa halo asaun brutalizmu hasoru negosiante kiiik iha merkadu Taibessi ho razaun okupa fali fatin parajen hodi faan modo.
“Servisu seguransa parte jestaun merkadu halo atuasaun ba maluk vendedores sira ne’ebé mak utiliza fatin ne’ebé mak tuir regras, labele halo atividade negósiu ita hotu hatene katak parkiran fatin ida ne’ebé mak kareta ho motor ba halo parkiran iha ne’eba, agora funsiona hela kontribuisaun liu husi selu taxa ba estadu,” Gaspar da Silva hateten ba lafaek news iha merkadu Taibessi, tersa (04/04/2023).
Gaspar argumenta katak, maluk negosiante kontra hela regras, fatin parajen kareta ho motor nian la’os sira (negosiante) sira okupa hodi faan fali modo, maibé sira nia fatin propíu ne’ebé sira rejista ona husik mamuk fali hodi okupa fali fatin kareta motor nian lekar lixu nakonu iha parajen laran.
“Vendedores sira mai utliza iha ne’e sira sala tanba sira fatin iha laran tiha ona, estadu prepara ona fatin maibé sira tenta abandona fatin ne’e halo mamuk sira ba faan fali iha liur ne’e, wainhira sira mai iha liur ne’e sira hakark buka benefisiu ba sira nia an rasik maibé sira taka dalan ba maluk sira seluk ne’ebé iha laran, dalaruma merkadu ne’e fo’er, nakonu ho lixu, toba iha ne’e, haan mos iha ne’e, fa’an iha ne’e roupa at sira ne’e, sasan plástiku no aqua mamuk, lona at sira ne’e konsidera lixu ne’e nakonu, entaun sasan ne’ebé sira fa’an laiha Ijiéne.
Entretantu, Domingas Salsinha Almeida, nu’udar negosiante hatan, hanesan povu kiik iha direitu buka moris iha merkadu Taibessi, tanba estadu halo hodi atende ba povu kiik hodi buka moris no selu oan sira nia eskola.
“Ami nia moris ne’e Aai hakrak faan sasan, maibé seguransa sira duni hela de’it ami, baku rahun ami nia sasan depois ami nia moris sai oinsá, ami povu kiik ne’e buka moris ho hakmtek atu ami sustenta ami nia oan sira ba eskola, maibé dala-ruma sira bandu ami labele faan iha ne’e” nia relata.
Negosiante mos argumenta katak, razaun faan iha parajen laran tanba faan iha merkadu laran ema la sosa, dala-ruma modo tahan dodok hotu soe estraga de’it, laiha ema sosa, nune’e foti osan husi ne’ebé hodi selu oan sira nia eskola.
“Sira hakarak ami labele faan ,maibe ami lori ami nia pacensia tenke faan sira nia hakarak nee ami tenke faan iha laran,maibe sasan la folin entaun ami pacensia sai mai faan iha liur, atu nune’e ami bele hetan Osan lais hodi sustenta ami nia oan sira,durante nee ami hetan problema Haris fatin fo impaktu mai ami, ami uza de’it haris fatin privadu selu hodi ami bele uza, maibe sira la fo fatin,” nia dehan.
Estajiada : Marciana de Araujo
Editor : Agapito de Deus
