Lafaek News–Forum Komunikasun Juventude Oratóriu Dom Bosco,liu husi Sentru Miguel Magone Balide Dili, apoiu nesesidade báziku ba família kbiit laek Anita da Silva ho oan nain haat iha aldeia Ira-Chau suku Pairara postu administrativu Lautem munisípiu Lautem.
Tuir Cash Manajer (FCJ) Domingas Pereira, hateten prezensa Forum Komunikasaun Juventude Óratoriu Dom Bosco Balide Dili (FCJ) nian iha aldeia Ira-Chau hodi tulun familia kbi’it laek Anita ho ninia oan nain haat ne’ebé hela iha uma la dignu inklui laiha aihan sufisiente hodi sustenta sira nia moris lor-loron.
“ Objetivu husi vizita ne’e hanesan programa monitorizasaun husi uma mahon (FCJ) Dom Bosco Balide ba klintes ne’e hanesan uluk hela iha uma mahon FCJ no vizita ne’e halao ba dala tolu ona, maibé mai hareeiha mudansa uitoan,’ ’Domingas Pereira ba Lafaek News iha aldeia Ira-Chau, sesta (17/07/2021).
Iha atividade vizita ne’e fó ajudou sasán nesesidade báziku hanesan foos saka 1, mina masa 1, kolixaun, masin, masako, sabaun, rinsu, ikan lata no susu been atu bele sustenta sira nia moris.
“Nesesidade báziku ne’ebe maka uma mahon Balide fó hanesan kbi’it ne’ebé maka iha maske uitoan maibé ita nafatin fó apoiu ba familia ne’e,” nia hatutan.
Iha fatin hanesan familia kbi’it laek Martinho da silva espresa nia sentimentu kontente apóiu ne’ebe husi uma mahon (FCJ) Dom Bosco Balide ba kbiit laek Anita ho nia oan nain haat.
‘’Ha’u kontente tebes ho apoiú ne’ebe husi uma mahon (FCJ) fó mai ami, maibé ami laiha buat ida atu selu sira nia apoiu mai ami nia familia ne’e, tanba durante ne’e ami laiha hahán,’’ haktuir família kbiit laek ne’e hafoin simu nesesidade báziku husi FCJ liu husi sentru Magone Balide Dili
. Martinho dehan, dala ruma loron ida han dala ida de’it, depende ba hahán ne’ebé iha, maibé mos viziñu sira maka fó foos lata ida ka rua hodi haan netik ba loron ida
.Antes ne’e uma nebe’e familia kbi’it laek ne’e hela fatin didin ho nuu tahan no ohin loron konsege troka didin ho kalen fruzen no uma ne’e nia medida antes luan 3×3, maibé ba da-daun muda ona media ba 4×4.
Observasaun lafaek news iha tereinu nota familia ne’e hahán laiha, no haan batar ho ai-farina ne’ebé tein durante loron tolu sin no i’is ona, maibé sira nafatin han, tanba laiha aihan seluk hodi aguenta sira nia moris.
Jornalista : Manuel andrade
Editór : Agapito De deus
