Lafaek News—Sekretariu Estadu Kooperativa (SEKOOP), liu husi Diresaun Nasionál Setór Kooperativa, Reinaldo Borges informa, ba da-daun iha 2021 SEKOOP rejista ona grupu kooperativa ne’ebé estabelese iha baze hodi halo servisu kooperativa iha setór produsaun no indústria hamutuk 200.
“Iha baze SEKOP rejista ona kooperativa hamutuk 200 too mai iha da-daun ne’e, maibe ida la’o ne’e la too porsentu 50, ne’e tanba governu ida sa’e, loke kooperativa, no fin kooperativa barak mak simu osan husi governu no sira fahe malu ona,” katak Diretór Nasionál Setor Kooperativa, Reinaldo Borges, ba Lafaek News iha Likisá, Postu administarivu Maubara, suku Raemea (12/02/20121).
Nia haktuir, parte SEKOOP sei esforsu atu bele fo formasaun no kapasita grupu kooperativa sira atu bele hetan osan rasik husi indústria no produsaun ne’ebé mak grupu kooperativa sira hakna’ar aan ba.
“Polítika SEKOOP ida agora ne’e ita hanoin atu labele fo osan de’it, maibé eduka mos ita nia grupu sira ne’e atu nune’e sira bele hatene hetan osan rasik husi indústria sira ne’e no SEKOOP nafatin apoiu moral no formasaun kapasita atu bele iha koñesimentu hodi hala’o grupu kooperativa ne’e,” dehan Reinaldo Borges,
Jornalista : Anselmo Monteiro
Editora : Nelya Barros
