Lafaek News—Eis Sekretáriu Estadu Formasaun Profesional sétimu governu, Nivio Magalhães, apela joventude evita lia-fuan diskriminasaun ba ema defisiénsia no husu atu kontribuiba prosesu dezenvolvimentu eskluziva tuir mata dalan konstituisaun nian.
Nivio Magalhães hato’o lia hirak ne’e hafoin sai oradór principal iha semináriu ho tema prinsipal redus diskriminsaun hasoru ema ho defisiénsia iha komunidade no aproveita Selebra loron domin hamutuk ho komunidade sira’ nune’e juventude bele kontra deskriminasaun.
“Juventude nafatin sai autór Prinsipal hodi haklaken ka kontra diskriminsaun ne’ebé iha ha’u sei partilla informasaun sira ne’e, husu mós Juventude sira atu sai nafatin parte ba solusaun ne’ebé nasaun hasoru,” dehan Nivio Magalhaes ba Jornalista sira iha Sede suku Manleuana, segunda, (15/02/2021).
Oradór principal iha serimonia refere reafirma, joven barak involve iha diskirminasaun bainhira maluk difisensia sira la’o iha fatin públiku bolu ho liafuan matan aat no ain kudeik, atu kontra ida ne’e prezisa kontribuisaun joven sira nian.
“Ha’u hanoin ita labele halo hanesan ne’e tanba iha prinsípiu dezenvolvimentu nian atu labele husik ema ida iha kotuk, Juventude tenki kontribui, ita tenki hakribi ona lia-fuan sira ne’ebé diskrimina ita nia maluk sira ne’ebé moris hanesan defisiénsia ita tenke respeita sira iha sosiedade, atu kontra diskriminsaun Juventude tenke pro-ativu hodi hamrik nafatin iha oin bele kontribui tanba nasaun ne’e ba oin presiza ita hotu nia Kontribuisaun ” tenik Nivio.
Iha fatin hanesan, Presidente Ezekutivu AHDMTL Gaspar Afonso, objetivu prinsipal hakarak reduz diskriminsaun ba ema ho defisiensia iha komunidade liu iha suku Manleuana tanba Organizasaun ne’e foin primeiru halo seminariu ho komunidade sira.
“Liu husi seminariu ne’e atu husu ba komunidade no autoridade loka sira la iha diskriminsaun ba ema ho defisiensia sira liu-liu feto no labarik,” haktuir Diretór Ezekutivu.
Diskriminsaun ba Familia ne’ebé mak oan defisiensia, sira nia oan iha uma sira la fo sai hodi partisipa ka involve iha atividade sira iha komunidade signifika inan aman sira rasik halo exklui ba sira nia oan ho defisiensia.
Tanba ne’e ejize Família ka komunidade sira laiha diskriminsaun hasoru ema ho defisiensia, tanba ema ho defisiensia mak sai vulnerável liu ba situasaun sira hotu, husu ema hotu-hotu tenki konsidera no valoriza ema ho defisiénsia sira no vulneravel sira seluk la tempu ona atu halo diskriminsaun ba malu.
Nia informa, durante defisiénsia hetan apoiu husi Asia Democracy Network 2.395 no hetan apoiu material patrisinador Timor Telekom, telekomcel, no entidade sira seluk ne’ebé iha vontade boot maske ho Covid-19, krize ekonomia ne’ebé tuun lo’os, maibé sira nafatin iha vontade hodi apoiu ema ho defisiénsia sira iha Timor-Leste.
Jornalista : Sandi Belo
Asisten Editór : Pedro de Almeida
