Lafaek News—Ministériu Agrikultura no Peskas (MAP), liu husi diresaun Floresta, Kafé Planta no Indústria sei re-floresta fali ai-parapa ba iha parte tasi ibun sira hodi hamatak ambiente rai ninian.
“Ita nia degradasaun ba iha ai-parapa maka’as lo’os no lais tebes kuaze kada tinan ita sempre lakon áreas ne’ebé barak, entaun governu hamutuk tulun ho ita nia parseiru sira ita halo esforsu para kuda hikas ba fatin ne’ebé mak molik lo’os no mós reabilita sira ne’ebé mak moris nanis hela iha parte tasi ibun sira,” dehan Diretór Jeral, Raimundo Rau, ba Lafaek News iha nia kna’ar fatin Kaikoli, segunda, (15/02/2021).
Diretór haktuir, durante hetan suporta orsamentu husi parte governu no ajénsia parseria sira maka kuda ona Mill ital hektares iha parte norte no parte leste.
“Kona-ba re-florestasaun fokus ba iha area tasi-ibun no sei kobre ai-parapa no mós ninia ai-horis asosiadu sira no iha Timor-Leste, ita iha ai-parapa espesies tolu-nulu no nia asosiadu sira hamutuk rua-nulu resin lima,” nia hakotu.
Jornalista : Anselmo Monteiro
Asisten Editór : Pedro de Almeida
