Ekipa saude vasina hela jornalista Lafaek News, Acacio Pinto iha SEKOM. imajen LN.
Lafaek News—Sekretáriu Estadu Komunikasaun social (SEKOMS), Mericio Akara, hatete media Timor Leste liu-liu jornalista sira tenke sai ezemplu hodi simu vasina atu prevene an husi sars-covid-19.
“Ita media mka tenke sai ezemplu ba vasinasaun tanba ha’u rona katak Jornalista Frontline balun seidauk desponivel atu simu,” dehan SEKOMS Mericio Akara, ba jornalista sira iha palasiu governu, segunda (19/04/21).
SEKOM ne’e husu jornalista hotu atu iha disponibilidade ne’ebé servisu media atu simu vasinasaun, tenke sai ezemplu ba sidadaun hotu iha Timor Leste.
“Ha’u husu ita nia disponivel ita hotu nia ne’ebé servisu iha media atu mai simu vasinasaun ita tenke sai mos ezemplu ba Sidasaun sira seluk, dehan Mericio ba jornalista sira hafoin loke Vasinasaun daruak nian iha SECOM palasiu governu.
Jornalista ne’ebé simu vasina faze daruak iha loron segunda (19/04/21), kompostu husi Tatoli no lafaek news.com, total jornalista hamutuk atus ida resin (100), iha SEKOM.
Entretantu, objetivu fundamenta husi vasina ne’e rasik atu hasa’e ema nia imunidade ho kualidade atu hasoru propagasaun Sars-covid-19 iha Timor Leste.
Jornalista : Acacio Pinto
Editor : Agapito de Deus
