Lafaek News— Ba dadaun Ministériu Obras Publika (MOP), orienta Kompañia Sali-Magu Unipesoal LDA, normaliza Mota Maloa entre komunidade aldeia Lemorana suku Dare ho Terus Nain Suku Vila-Verde, ne’ebé ameasadu iha tempu udan hanesan akontese iha loron 04/04 estraga hela fatin inklui ho nesesidade uma nian la aproveita.
Iha atividade normalizasaun ne’e, komunidade aldeia Lemorana suku Dare, postu Vera-Krúz, munisípiu Dili, Oscar Andrade, haktuir nia parte agradese ba esforsu governu nian ne’ebé responde ona ezijénsia komunidade nian, maibé normalizasaun labele bei-beik hela de’it, presiza halo fali dalan seluk atu solusiona.
“Governu labele normaliza bei-beik hela de’it, se lae tinan ba tinan nafatin amin, di’ak liu halo kedan barajen fui kedan alkatraun atu evita ona normalizasaun kada udan ne’e,” Oscar Andrade ba lafaek news hafoin observa hela kompania normaliza mota Maloa, domingu (18/04) .
Komunidade ne’e fó hanoin ba governu atu gasta osan dala ida de’it, mak hanesan tenke halo ona esrada harii barajen ne’ebé kualidade atu iha udan boot mot abele la’o tuir nia dalan nune’e labele kauza komunidade sira nia hela fatin hanesan foin lalais akontese iha loron 4/04/2021.
Observasaun lafaek news iha terenu nota katak mákina komesa suru rai henek ihai mota laran taka ona ba mota sorin-sorin no ba bronjon leten iha parte Aldeia Terus Nain nian inklui Aldeia Lemorana Suku Dare parte suku Dare.
Entretantu, antes ne’e mós xefe aldeia Lemorana, Alice da Costa, ezije governu liu husi parte kompentente atu aselera normaliza mota Maloa nune’e komunidade sira bele asesu ba merkadu ho sira nia transporte rasik.
“Ami nia hakarak husu governu tenke hadia ona mota no halo barajen ne’ebé kualidade atu nune’e karreta ho motor labele halai fali husi mota laran, tenke halai husi bronjon leten,” katak autoridade lokál ne’e.
Jornalista : João da Costa Soares
Editòr : Agapito de Deus
