Lafaek News—Ministru Prezidénsia no Konsellu Ministru (MPKM), Fidelis Manuel Leite Magalhães, kontinua fó apoiu nesesidade bázika ba komunidade afeitadu aldeia 12 de outubru Posko Bee Leten Suku Komoro.
Ministru Prezidensia Konsellu Ministru, Fidelis Magalhães relata, apoiu ne’e núdar pesoál neduni husu ba familia afetadu sira labele haree ba nia montante ka valór, kiik ka oituan atu bele fasilita familia sira iha situasaun ida ne’e.
“Sasan nia kuantidade la barak maibé ne’e la’os sai sasukat ba ita, núdar ser humanu presiza ajuda malu iha situsaun difisil ida ne’e” informa MPKM Fidelis Magalhães ba Lafaek News iha Aldeia 12 de outubro Posko Bee Leten Tasi-tolu Dili, sabadu (17/04/21).
Governante ne’e akresenta, apoi governu nian maka liu husi Protesaun sivil ho Ministériu Solidariedade Sosiál mak halo intervensaun liu husi xefe suku no aldeia.
“Ha’u mai iha ne’e tanba ha’u hetan informasaun katak iha ne’e iha inan isin rua, labarik sira no bebe kiik oan sira, ha’u hatene katak durante ne’e iha parte balu fo ona apoiu, entaun ita haree liu ba inan isin rua, labarik sira no bebe, neduni sasan iha nebá tau kedas tuir dadus ne’e ha’u hetan,” MPKM ne’e subliña.
Entretantu, iha aldeia refere kompostu husi familia afetadu 47, inan isin rua nain 4, labarik (infantil) nain 32 no labarik husi tinan ida mai kraik nain 3.
Jornalista : Juvita dos Santos
Agapito : Agapito de Deus