Lafaek News—Embaixadór Estadus Unidos America iha Timor-Leste sorumutuk ho governu Timor-Leste, liu husi Sekretariu Estadu Juventude no Desportu (SEJD) diskute kona-ba kooperasaun entre nasaun rua nian hodi apoiu ba foin sa’e sira liu husi programa Wechsler Adult Intelligence Scale (WAIS-ILI) nian hodi fornese bolsa estudu ba Timor-Oan sira.
“Enkontru ida ne’e atu retira fila fali interese kooperasaun sira ne’ebé mak Estadus Unidos Amérika (EUA) ho Timor-Leste halo tiha ona liu-liu ba iha programa ba apoiu joven sira,” dehan Sekretariu estado Juventude no Desportu Abraõ Saldanha hafoin enkontru ho Embaixadór America Iha SEJD largo, Kuarta, (12/05/2021).
Nune’e mós Abarão informa, iha sorutuk ne’e koalia mós kona-ba programa Wechsler Adult Intelligence Scale (WAIS-ILI) nian ne’ebé atu forma joven sira sai lideransa ida ne’ebé di’ak no konektividade.
“Progrma ida mak WAIS-ILI atu forma joven sira sai lideransa konektividade, tanba programa ne’e di’ak tebes atu bele prepara Juventude sira barak, ohin loron ita hare’e sira nian di’ak no fó dinamiku liu tan iha ita nia rai,” nia informa.
Iha fatin hanesan Embaixadór EUA Kevin Blackstone, hateten, programa bolsa estudu iha kategoria ne’ebé la hanesan foku liu ba mestradu no lisensiatura.
“Ba iha programa ida bolsa estudu nian ne’e iha kategoria oin-oin ida mak ami bolu scholarships nian ba lisensitura, no ba full-ride scholarships ne’e ba iha Mastradu sira, maibé ne’e depende ba tema anual iha bolsa estudu, tanba kada tinan-tinan sempre aumenta” tuir nia.
Enkuantu kada tinan-tinan ema ne’ebé tuir programa WAIS-ILI durante ne’e Timor-oan hamutuk rihun 2 mak sai ona membru WAIS-ILI nian no atus 1 agora sai membru Interkambio, la’os ida ne’e de’it, maibé ba mós iha Australia nian.
Jornalista : Rita Moniz
Asisten Editór : Pedro de Almeida
