Lafaek News—Padre Martino Gusmão informa, iha nia parte husu ba lider sira atu foti desizaun última palavra tanba iha website WHO hakerek klaru katak mate isin COVID-19 bele lori ba uma.
“Ha’u dehan sira mak tenke iha sensibilidade hodi fo hatene ba governu atu foti desizaun, tanba ninia regra iha ona katak to’o oras 24 ka liu ida ne’e, sobre tudo ha’u lee ona iha website WHO dehan la iha buat ida familia matebian bele lori mate isin ba uma,” dehan Pe. Martino ba jornalista iha Izolamentu Vera-Krús oin Dili, Tersa, 13/04/2021.
Pe. Martino esplika, apela ba governu atu iha sensibilidade no onestidade tanba buat ne’ebé hatudu loro-loron ba Timor no povu sira bele uza lojika to’o iha ne’ebé de’it kuandu hanoin ruma la tama povu sira nia fuan O esplika mós la tama sira nia ulun.
“Saida mak ita halo la tama iha povu nia fuan la monu ba povu nia laran tanba ita nia fuan mak taka tanba ne’e husu ba Prezidente Republika, Primeiru Ministru no Prezidente Parlamentu Nasional neste momentu última palavra iha imi nain tolu nia ibun,” nia afirma.
Nai Lulik ne’e esklarese, karik nai ulun sira lakohi hasai, última palavra husi sira nain tolu nia ibun entaun povu nia tempu to’o ona iha ne’e, atu buka dalan foun hanesan Alkatiri dehan “Paradigma foun”.
“Ita labele kompara ho nasaun sira seluk nian tanba nasaun seluk hanesan amerika Europa ne’e nia ema mate dala ida too kedas rihun resin tanba ne’e sira hatama dala ida maibé Timor nia ida de’it, ne’e ninia standar ketak.
Nia relata, Tuir padronizasaun internasionál WHO dehan, hakoi mate isin tuir ona regra, familia sira bele halot importante halo desinfekta tuir prosedimentu.
“Mai ita onestu ho sensoru no mos brani haree ba verdade se ida ne’e la bele ita rezolve hamutuk tanba Timor ita hotu nian laos ema ida nian mesak,” Nia deklara.
Pe. Martino Gusmão hatete, Mate ba COVID-19 ka mate ba hamalaha ka mate ba inundasaun ne’e dehan mate, la bele dehan fali infelizmente.
“ha’u la sente infelizmente ne’e, portuges ne’ebé di’ak tanba ema mate Hamalaha, COVID-19, no mate tanba inundasaun sira ne’e ita husik normal tiha deit, ne’e hau dehan lalos,” Nia hakotu.
Jornalista : Orlando Magno
Editora : Agapito de Deus
